தமிழர்கள் ஏன்..?

by Guest Tue Dec 06, 2022 3:13 pm

நான் இணைய -கணினித் துறையை சேர்ந்தவன்.ஊர்க்குருவியாக வெளிநாடுகள் சிலவற்றில் மாதம் ஒருமுறை, வேலை பார்க்கும் நிறுவன கிளைகளைச் சுற்றி வருகிறேன்.
மனதில் குடைச்சலைக் கொடுக்கும் கேள்வி ஒன்று.

இணையத்தில் வலம்வரும் தமிழ்நாட்டுத் தமிழர்களில் பலர்-அதிகமான பலர்- தமிழை மறந்து ஆங்கில மோகம் கொண்டு ஏன் பதிவுகளையும், கருத்துகளையும்,பின்னூட்டங்களையும் தமிழில் எழுதுவதில்லை? Youtube இல் கருத்துகளை மற்ற மாநிலத்தவர்கள் தங்கள் தாய்மொழியில் எழுதும் போது தமிழ்நாட்டுத் தமிழர்கள் (தமிழ் காணொலியில்) 90% ஆங்கிலத்தில் எழுதுகிறார்கள்.1% தமிழிலும்,9% ஆங்கிலம் தமிழ் கலந்தும் எழுதுகிறார்கள்.

தமிழண்டா, கல்தோன்றி மண்தோன்றா காலத்தவர்கள் எனப் பெருமை பேசும் இவர்கள்,பேசும் போதும் எழுதும் போதும் ஆங்கிலத்தை பாவிக்கிறார்களே ஏன்?

ஈகரையில் தமிழில் எழுத மட்டும் வரும் என்னைப் போன்றவர்கள் தவிர பலர் -உலகத் தமிழர்களின் உறவுப்பாலம்-ஈகரையில் ஏன் தமிழை பயன்படுத்த மறுக்கிறார்கள்?

ஆங்கிலப் புலமையுள்ள முனைவர் சௌந்தரபாண்டியன் ஐயா படித்தவர்கள் ரமணியன் ஐயா,அய்யாசாமி ஐயா உட்பட தமிழைப் பயன்படுத்துகிறார்கள்.

நான் பார்த்த வெளிநாடுகளில் கூட தாய்மொழியை அதிகமாக பயன்படுத்துகிறார்கள்.அவசியம் ஏற்படும் போது மட்டும் ஆங்கிலத்தைப் பயன்படுத்துகிறார்கள்.ஏன் தமிழ்நாட்டுத் தமிழர்கள் தாய்மொழியை பயன்படுத்த மறுக்கிறார்கள்?

ரமணியன் ஐயாவின் உடல்நலம் மேம்படப் பிரார்த்தித்திக்கும்........

ஈகரை விருந்தினர்.

by **Dr.S.Soundarapandian** Wed Dec 07, 2022 12:25 pm

சூப்பர் கெஸ்ட்(Guest)!

தமிழர்கள் ஏன்..?

தமிழர்கள் ஏன்..?

Re: தமிழர்கள் ஏன்..?