புதுக்கவிதை

by jeevakumar sumithira Tue Apr 18, 2023 7:32 pm

முடிவற்ற
நீடிப்பை நோக்கி
பயணித்துக்
கொண்டிருக்கையில்
ஓடிச் சென்று
ஒரு புள்ளியிட்டு
ஆசுவாசம் பெறுகிறது
அந்த முற்றுப்புள்ளி.
முற்றுப் பெறுவதில் தான்
முழுமை பெறுகிறது
முற்றுப்புள்ளி.
-ஏரா மகள் சுமி

by jeevakumar sumithira Tue Apr 18, 2023 7:35 pm

ஈகரை தமிழ்க் களஞ்சியத்தில் இணைந்ததில் மகிழ்ச்சி. வாசிப்பதற்கு நல்ல நூல்கள் கிடைக்குமென்ற மகிழ்வும், என் கிறுக்கல்களை மற்றவர்களோடு பகிர்வதில் மகிழ்வும்.
மிக்க நன்றி .

by **சிவா** Tue Apr 18, 2023 8:16 pm

வருக சுமி. ஈகரை தமிழ் களஞ்சியத்திற்கு அன்புடன் வரவேற்கிறோம்.

முற்றுப்புள்ளி எனும் ஒற்றைப் புள்ளியில் ஒடுங்கி விடுவதல்ல வாழ்க்கை. முற்றுப் பெறாத தேடல் நிறைந்தது வாழ்க்கை.

வாழ்க்கையின் முற்றுப்புள்ளி மரணம் மட்டுமே.

by **T.N.Balasubramanian** Wed Apr 19, 2023 5:24 pm

வருக வருக ஜீவகுமார் சுமித்ரா அவர்களே.

தொடர்ந்து வருகை தருக.

முற்றுப்புள்ளி வைத்தால்
முடிவுதான்.
ஆரம்பமே முற்றுப்புள்ளி
என்றால்,
அது அடுத்த கவிதைக்கு
அஸ்திவாரமோ?

"ஆரம்ப புள்ளி " என்று தலைப்பு இடலாமா உங்கள் கவிதைக்கு?

@jeevakumar sumithira

by jeevakumar sumithira Thu Apr 20, 2023 1:19 pm

கவிதை
என்ன சொல்கிறது?
அதனோடு
நீ பேசிக்கொள்கிறாயா?
அது உவர்ப்போடு
சிலதுளி இனிப்பையும்
உனக்கு ஊட்டியதா?

கவிதைக்குள்
ஓடிக்கொண்டிருக்கும்
நாளங்களில்
காதுகொடுத்து கேட்டாயா?
அதன் உள்ளிருக்கும்
துடிப்புக்களை கேட்டுப்பார்.
அதன் சுவாச ஒலி
உன்னை உள்ளோகிதத்தின்
உள்நிலைக்குள்
சற்று கடத்திச்செல்லும்.

கவிதையின்
அருகாமையை நெருங்கு
அருகமர்ந்துகொள்
உற்றுநோக்கு
முடிந்தால் சுவாசித்துக்கொள்!!!!!

-ஏரா மகள் சுமி

by jeevakumar sumithira Thu Apr 20, 2023 1:24 pm

சிவா wrote:வருக சுமி. ஈகரை தமிழ் களஞ்சியத்திற்கு அன்புடன் வரவேற்கிறோம்.

முற்றுப்புள்ளி எனும் ஒற்றைப் புள்ளியில் ஒடுங்கி விடுவதல்ல வாழ்க்கை. முற்றுப் பெறாத தேடல் நிறைந்தது வாழ்க்கை.

வாழ்க்கையின் முற்றுப்புள்ளி மரணம் மட்டுமே.

மேற்கோள் செய்த பதிவு: undefinedமிக்க நன்றியும் மகிழ்வும்.
ஈகரை தமிழ் களஞ்சியத்தில் இணைந்ததில் மகிழ்வு. நன்றி ஐயா.