Google vs OpenAI: ChatGPT செய்ய முடியாத விஷயங்களை செய்யும் Bard

ஏ.ஐ ( AI) எனப்படும் செயற்கை நுண்ணறிவு சமீப காலமாக அதிகம் பேசப்பட்டு வருகிறது. அதற்கு முக்கிய காரணமாக பார்க்கப்படுவது
ChatGPT ஏ.ஐ அறிமுகம். கல்வி முதல் சிறு தொழில் வரை அனைத்து துறைகளிலும் ஆதிக்கம் செலுத்துகிறது.

இந்நிலையில் கூகுள் நிறுவனமும் தனது தனித்துவமான AI சாட்போட் பார்டை (Bard)அறிமுகப்படுத்தியது. இது தற்போது 180க்கும் மேற்பட்ட நாடுகளில் இலவசமாக பயன்படுத்தப்படுகிறது. இதில் பயனர் அனுபவத்தை மேம்படுத்த பல அம்சங்களையும் கூகுள் சேர்த்துள்ளது. மே 10-ம் தேதி டெவலப்பர்கள் மாநாட்டில் கூகுள் தனது பார்டு ஏ.ஐ-ஐ உலகிற்கு அறிமுகப்படுத்தியது. https://bard.google.com/ என்ற இணையத்தில் பார்டை இலவசமாக பயன்படுத்தலாம்.

சாட் ஜி.பி.டி பொதுவாக இணைய அணுகலுடன் வராது. இணையத்தைப் பயன்படுத்த, இணைய உலாவல் அம்சத்தை ஒருவர் அணுக வேண்டியிருக்கலாம். மாறாக, கூகிள் பார்ட் இணைய அணுகலுடன் வருகிறது. அதன் ஓபன் ஏ.ஐ எண்ணை விட இது ஒரு விளிம்பை அளிக்கிறது. இந்த சாட்போட் கேள்விகளுக்கு விரிவான மற்றும் தெளிவான தகவல்களை அளிக்கிறது.

ஸ்மார்ட் போனிலும் பார்டு பயன்படுத்தலாம்

ஸ்மார்ட் போனிலும் பார்டு ஏ,ஐ பயன்படுத்த முடியும் என்பது மிகவும் பெரிய நன்மையாக உள்ளது. காரணம் ChatGPT-ஐ போனில் பயன்படுத்த முடியாது. ChatGPT மொபைல் வெர்ஷன் கிடையாது. கூகுளிலும் சென்று பார்டு ஏ,ஐ-யை பயன்படுத்த முடியும்.

ChatGPT திறம்பட செயலாற்றினாலும் படங்களுடன் பதில் வழங்குவதில் இருந்து குறைகிறது. OpenAI ஆனது Dall-E போன்ற படங்களை உருவாக்கும் திறன் கொண்ட பிற பண்புகளைக் கொண்டிருப்பதால் இது நடக்கலாம் எனக் கூறப்படுகிறது. இருப்பினும், கூகுள் பார்ட் அதன் உரை பதிலில் படங்களை வழங்கும் திறன் கொண்டது. I/O நிகழ்வில் டெமோவின் போது கூகுள் இந்தத் திறனை சோதித்து காட்டியது. இந்த அம்சத்தை படிப்படியாக வெளியிட உள்ளது.

கூகுள் பார்டின் மிகப்பெரிய நன்மைகளில் ஒன்று அது ஜிமெயிலுடன் ஒருங்கிணைக்கப்பட்டுள்ளது. ஜிமெயில் 2 பில்லியனுக்கும் அதிகமான மக்களால் பயன்படுத்தப்படுகிறது. ஜிமெயிலில் அதிக ஏ.ஐ பயன்படுத்தப்பட்டுள்ளது, இதன் மூலம் எளிதாக மற்றும் professional முறையில் ஜிமெயில் அனுப்ப முடியும். இது மிகவும் உதவிகரமான வசதியாக உள்ளது.

ஜிமெயில் – Help Me Write அம்சம்: கூகுளின் ஏ.ஐ என்ன? இது எப்படி பயன்படுத்துவது?

ஜிமெயிலில் ஏ.ஐ வசதி மூலம் மெயில் எழுதும் அம்சம் அறிமுகப்படுத்தப்பட்டுள்ளது.

ஜிமெயிலில் ஏ.ஐ (செயற்கை நுண்ணறிவு) வசதி அறிமுகப்படுத்தப்படுகிறது. Help Me Write என்ற அம்சம் பயன்படுத்தி எந்த துறைக்குமான ஜிமெயில் எளிதாக மற்றும் Professional-ஆன முறையில் எழுத முடியும் என தெரிவிக்கப்பட்டுள்ளது.

கூகுள் ஆண்டுதோறும் நடத்தும் கூகுள் ஐ.ஓ ( Google I/O) நிகழ்ச்சி இரு தினங்களுக்கு முன் நடைபெற்றது. இதில் ஏ.ஐ தொழில்நுட்பம் முக்கியத்துவம் பெற்றது. அதே நேரத்தில் ChatGPT-க்கு போட்டியாக கூகுள் Bard ஏ.ஐ அறிமுகப்படுத்தியது. கூகுள் ஐ.ஓ நிகழ்ச்சியில் பல்வேறு புது புது அறிவிப்புகள் வெளியிடப்பட்டன.

தில் முக்கியமாக, Help Me Write என்று அம்சம் குறித்து அறிவிக்கப்பட்டது. அதாவது இது ஒரு ஏ.ஐ அம்சம் ஆகும். இதை ஜிமெயில் மற்றும் கூகுள் டாக்ஸில் பயன்படுத்த முடியும்.

ஜிமெயில் கோடிக்கணக்கான மக்கள் பயன்படுத்தும் அம்சமாகும். அலுவலக ரீதியாக இதை பயன்படுத்துவோம். அந்தவகையில். எளிதாக மற்றும் Professional-ஆக மெயில் எழுதுவதற்கு “ஹெல்ப் மீ ரைட்” பயன்படுத்தப்படுகிறது. வேலை தேடி, வழக்கமான அலுவலக கடிதம் அல்லது வேறு தேவைக்கான கடிதம் என அனைத்தும் இதன் மூலம் பயன்படுத்தலாம்.

இதனால் நேரம் மற்றும் effort-saver ஆக பயன்படுத்தபடுகிறது. நிகழ்ச்சியில் கூகுள் சி.இ.ஓ சுந்தர் பிச்சை இதற்கு உதாரணம் கூறினார். அதாவது, உங்கள் விமான பயணம் ரத்து செய்யப்பட்டால் நிறுவனத்திற்கு ஜிமெயில் அனுப்பி எவ்வாறு பணம் திரும்ப பெறுவது என்பது குறித்து உதாரணம் கூறினார்.

எவ்வாறு பயன்படுத்துவது?

Google Docs ஓபன் செய்து கொள்ளவும். நியூ டாக்குமெண்ட் ஓபன் செய்யவும். இப்போது பக்கத்தின் மேலே உள்ள Help Me Write ஐகானை கிளிக் செய்யவும். இப்போது எதை பற்றி மெயில் எழுத வேண்டுமோ அதை குறிப்பிடவும். அடுத்து Create எனக் கொடுக்கவும். இப்போது உங்களது தேவைக்கு ஏற்றது போல் Customize செய்து கொள்ளலாம். எடிட் செய்தவுடன் கிளிக் Insert கொடுத்து ஜிமெயிலில் add செய்யவும். அவ்வளவு தான். இப்போது மெயில் கிரியேட் ஆகி விடும்.

எனினும் இந்த அம்சம் தற்போது சோதனை செய்யப்படுகிறது. விரைவில் அனைவர் பயன்பாட்டிற்கும் வரும் என நிறுவனம் கூறியுள்ளது.

BARD vs Chat GPT! ரெண்டுக்கும் என்ன வித்தியாசம்? எது சிறந்தது?

மைக்ரோசாஃப்ட்டின் ஓபன் ஏஐ நிறுவனம் சாட் ஜிபிடி செயற்கை நுண்ணறிவை வெளியிட்டதன் தொடர்ச்சியாக தற்போது கூகிள் தனது BARD AI ஐ வெளியிட்டு போட்டியை உருவாக்கியுள்ளது.

தொழில்நுட்ப வளர்ச்சியின் வேகத்தில் உலகம் வேகமாக நகர்ந்து கொண்டுள்ள நிலையில் வளர்ச்சியின் அடுத்த கட்டமாக பார்க்கப்படுவதுதான் செயற்கை நுண்ணறிவு எனப்படும் AI டெக்னாலஜி. அனைத்து விதமான தகவல்களையும் தரும், ஒரு தொடர் உரையாடலை புரிந்து கொண்டு செயல்படும் செயற்கை நுண்ணறிவான Chat GPT ஐ OpenAI நிறுவனம் கடந்த ஆண்டு நவம்பர் மாதத்தில் வெளியிட்டது.

Chat GPT க்கு போட்டியாக வந்த BARD!

அதுமுதல் உலகம் முழுவதும் AI க்கு வரவேற்பும், எதிர்ப்பும் ஒரு சேர கிளம்பியுள்ளது. கணித சமன்பாடுகள், கணினி கோடிங், கதை, திரைக்கதை என சாட் ஜிபிடி எழுதி கொடுக்காத விஷயங்களே இல்லை. இந்த Chat GPT க்கு போட்டியாகதான் கூகிள் தனது BARD ஐ களமிறக்கியுள்ளது. முதலில் வெளியிடப்பட்டு பின்னர் தற்காலிகமாக நிறுத்தப்பட்டு, நேற்று 130+ நாடுகளில் 3 மொழிகளில் BARD தனது செயல்பாட்டை தொடங்கியுள்ளது.

BARD என்றால் என்ன?

BARD என்பது Better Accessible and Responsible Development என சொல்லப்படுகிறது. ஆனால் சாட் ஜிபிடிக்கும் பார்டுக்கும் சில வித்தியாசங்கள் உள்ளது. BARD இப்போதைக்கு கூகிள் அஸிஸ்டெண்டின் ஒரு மேம்பட்ட வடிவம் போல செயல்படுகிறது.

உதாரணத்திற்கு முன்பு ஏதாவது ஒரு தகவல் தேவை என்றால் கூகிளில் தேடுவோம். அது அந்த தகவல் சம்பந்தமான சில இணைய லிங்குகளை காட்டும். இதுவே BARDல் தேடினால் அது இணைய தள தகவல்களை தொகுத்து சுருக்கி நமக்கு புரியும் விதத்தில் சொல்லிவிடும். சின்ன கேள்விக்கு கூட தெளிவான பதிலை தருகிறது. கூடவே அதற்கும் மேற்பட்ட தகவல்கள் தேவைப்பட்டால் எந்தெந்த தளங்களில் அதை படிக்கலாம் என்பதையும் காட்டுகிறது.

இதுமட்டுமல்லாமல் சாட் ஜிபிடி போன்றே கதை, திரைக்கதை, கணினி கோடிங் உள்ளிட்டவற்றையும் எழுதுகிறது.

BARD vs Chat GPT எது சிறந்தது?

BARD செயற்கை நுண்ணறிவானது LaMDA (Language Model for Dialogue Application) முறையில் இயங்குகிறது. மேலும் கூகிளின் PaLM 2 (Pathways Language Model) ல் இயங்குவதற்கான செயல்பாடுகளும் நடந்து வருகிறது.. ஆனால் இன்னமும் தமிழ் உள்ளிட்ட மொழிகளில் பார்ட் வரவில்லை. அது தகவல்களை கிரகிக்கும் நிலையிலேயே உள்ளது. அதன் மூலம் பயனாளர்களை தேவையை அது அறிந்து கொள்ள அதற்கு காலம் எடுக்கும். சாட் ஜிபிடியாலேயே இன்னமும் மற்ற மொழிகளை சரளமாக பேச முடியவில்லை.

தற்போதைய ஒப்புமை வகையில் சாட் ஜிபிடி பார்ட்-ஐ விட அனைத்து கேள்விகளுக்கும் ஏற்ற பதில் ஒன்றையாவது அளித்து விடுகிறது. ஆனால் பார்ட் சில கேள்விகளுக்கு சரியான பதில்களை அளிக்க முடியாமல் உள்ளது.

உதாரணத்திற்கு ஏதாவது ஒரு புத்தகம் குறித்து அல்லது புத்தகத்தின் உள்ளடக்கத்திலிருந்து கேள்விகள் கேட்டாலும் சாட் ஜிபிடி பதில் சொல்கிறது. ஆனால் பார்ட்-ஆல் இத்தகைய கேள்விகளை புரிந்து பதிலளிக்க முடியவில்லை. இருப்பினும் நாளடைவில் இதன் தொழில்நுட்பம் விரிவுப்படுத்தப்பட்டு வருவதால் சாட் ஜிபிடிக்கு நிகரான செயல்திறனை பார்ட்-உம் வழங்கும் என எதிர்பார்க்கப்படுகிறது.

சாட் ஜிபிடி தன்னிடம் கேட்கப்படும் கேள்விகளுக்கு 2021 மற்றும் அதற்கு முந்தைய அனைத்து தரவுகளையும் ஆராய்ந்து பதில் சொல்கிறது. அதனால் அதில் ஒரு துல்லியம் உள்ளது. பார்ட் கூகிள் தேடுபொறியின் தகவல்களின் அடிப்படையில் பதில் அளிப்பதால் அதில் துல்லியம் சற்று குறைவே. ஆனால் பார்ட்-ல் நேற்று நடந்த சம்பவம் குறித்துக் கூட கேட்க முடியும். ஆனால் சாட் ஜிபிடியில் முடியாது.

சாட் ஜிபிடியை பயன்படுத்தி பலர் கட்டுரைகளை எழுதிக் கொள்வதால் அதை கண்டறிய ஓபன் ஏஐ AI Text Classifier ஐ வைத்துள்ளது. இதன் மூலம் அது மெஷின் எழுதியதா? மனிதர்கள் எழுதியதா? என கண்டறியலாம். இந்த வசதிகள் பார்டில் அறிமுகம் செய்யப்படவில்லை.

குறிச்சொற்கள் #BARD #chat_GPT