எனக்கென்றும் அன்னையர் தினமே!

**சிவா** · **சிவா** Sun May 09, 2010 8:33 am

கருவில் உருவான காலமுதல் காதலித்து
உருவமொடு உணர்வு தந்தென்னை
உலகிற் பிறப்பித்த அம்மா!
விருப்போடு பாலூட்டித் தாலாட்டி
தெருப் புழுதி நானாடி வந்தாலும்
அருவருப்பின்றி
வாவெந்தன் செல்லத் திரவியமே யென்றணைத்து
அமுதூட்டிச் சீராட்டியெனை வளர்த தாயே...

நீயறியாக் கல்வியெலாம் நான்கற்க வேண்டுமென
பள்ளிசெல்ல எனைப் பணித்த பாரதியே..
கல்வியொடு கலையார்வம் கொண்ட என்மனமறிந்து
தடையேதுமின்றி வழிவிட்ட அம்மா..
வாலிபத்தின் வாயிலுக்கு நான்வந்த வேளையிலே
படிப்பித்தே னென்றெனக்கு விலையேதும் வைக்;காமல்
மிடியேதுமின்றி நீயாய் உன்துணையைத் தேடென்று
வரமளித்த தாயே..

புலம்பெயர்ந்து வந்தாலும்..
நாலுபேர் மெச்சும் வாழ்வு
மணியான தெய்வம் அம்மா
நீ தந்த வாழ்வுதானே!

அம்மாவுன் மலர்ப்பாதம் என்றுமென்; மனதிருக்கும்
இம்மாநிலத்தில் நான் வாழும் காலமெலாம்..அம்மா
எனக்கென்றும் அன்னையர் தினம் தாயே!

மணிதாசன்!

சபீர் · சபீர் Sun May 09, 2010 9:55 am

புலம்பெயர்ந்து வந்தாலும்
நாலுபேர் மெச்சும் வாழ்வு
மணியான தெய்வம் அம்மா
நீ தந்த வாழ்வுதானே

அனுபவித்து எழுதப்பட்ட வரிகள்

**ரிபாஸ்** · **ரிபாஸ்** Sun May 09, 2010 9:58 am

சூப்பர் தல அருமையான வரிகள்

ஹனி · ஹனி Sun May 09, 2010 11:15 am

கெர்ஷோம் · கெர்ஷோம் Sun May 09, 2010 11:17 am

கலைவேந்தன் · கலைவேந்தன் Sun May 09, 2010 2:13 pm

அன்னைக்கு மதிப்பும் மரியாதையும் தந்த அருமையான கவிதை.... எனக்கென்றும் அன்னையர் தினமே! 678642

மஞ்சுபாஷிணி · மஞ்சுபாஷிணி Sun May 09, 2010 2:31 pm

தாயை பற்றி நாளெல்லாம் சொல்லலாம்...

தாயின் அன்பை பற்றி காலமெல்லாம் சொல்லலாம்...

காலம் மறையும் தாயின் அன்பு மறையாது...

அன்பு பகிர்வு தாய்க்கான பகிர்வு...

அன்பு நன்றிகள் சிவா...