இலங்கையில் பொது இடத்தில் முத்தம் கொடுத்த 200 காதல் ஜோடிகள் கைது

ரபீக் · ரபீக் Thu 10 Jun 2010 - 17:55

இலங்கையில் பொது இடங்களில் ஆண்-பெண் முத்தம் கொடுத்து கொள்ள தடை உள்ளது. ஆனாலும் இதன் மீது எந்த நடவடிக்கையும் எடுப்பது இல்லை. இதனால் அத்துமீறல் சம்பவங்கள் அதிகரித்து வந்தன.

இதை தடுக்க குருனகேலா, மதாரா ஆகிய நகரங்களில் போலீசார் ஒரே நேரத்தில் நடவடிக்கைகளில் ஈடுபட்டனர்.

பூங்கா மற்றும் பஸ் நிலையங்களில் முத்தமிட்டு கொண்டிருந்த காதல் ஜோடிகளை கைது செய்தனர். மொத்தம் 200 ஜோடிகள் கைது செய்யப்பட்டனர்.

இவர்களில் பெரும்பாலோர் பள்ளி மாணவ- மாணவிகள் என்பது குறிப்பிடத்தக்கது. இவர்களில் சிலர் 15 வயதுக்கு குறை வானவர்களும் இருந்தனர்.
குறைந்த வயதுடையவர்களை அவருடைய பெற்றோர்களை வரவழைத்து ஒப்படைத்தனர். மற்றவர்கள் மீது நடவடிக்கை எடுக்கப்பட்டது.