மீண்டும் திமுகவில் தீப்பொறி ஆறுமுகம்!

ரபீக் · ரபீக் Sun Jun 13, 2010 11:32 am

தீப்பொறி ஆறுமுகம் அதிமுகவில் இருந்து விலகி மீண்டும் திமுகவில் இணைந்துள்ளார். மதுரையில் மு.க. அழகிரி முன்னிலையில் இவர் திமுகவில் இணைந்துள்ளார்.

அதிமுகவில் இருந்து முன்னாள் அமைச்சர்களும், முன்னாள் எம்.எல்.ஏக்களும் திமுகவில் இணைந்து வருகின்றனர். இந்நிலையில் அதிமுக தலைமை கழக பேச்சாளர் தீப்பொறி ஆறுமுகம் திமுகவில் இணைந்துள்ளார்.

முன்னர் திமுகவில் இருந்தபோது எம்.ஜி.ஆர். மற்றும் ஜெயலலிதா உள்ளிட்ட அதிமுக தலைவர்களைக் கடுமையாகத் தாக்கிப் பேசுவதில் இவருக்கு ஈடு இணை யாரும் இருந்ததில்லை. இவருடைய பேச்சின் தாக்கம் தீப்பொறியைப் போல இருப்பதாகக் கூறியே இவருக்கு தீப்பொறி ஆறுமுகம் என்ற பெயரும் சூட்டப்பட்டது.

திமுகவில் தனது உழைப்பிற்கு மதிப்பில்லை என்று கூறி ஜெயலலிதா ஆட்சியின் போது அதிமுகவில் இணைந்தார். அதிமுகவில் தலைமைக் கழகப் பேச்சாளர் ஆக நியமிக்கப்பட்டார். இதையடுத்து திமுக தலைவர் கருணாநிதி மற்றும் அவரது குடும்ப உறுப்பினர்களை மேடைக்குமேடை மிகக் கடுமையாக, ஆபாசமான வார்த்தைகளால்தாக்கிப் பேசி வந்தார்.

இதைத் தவிர இவருக்கு அதிமுகவில் போதிய மதிப்பு அளிக்கப்படவில்லை. திமுகவைப் போலவே அதிமுகவும் இவரது சூடான பேச்சை மட்டுமே பயன்படுத்திக் கொண்டது. மதுரையில் வசித்துவந்த இவர், இப்போது அதிமுகவில் தனது உழைப்பிற்கு மதிப்பில்லை என்று கூறி திமுகவில் மீண்டும் இணைந்துள்ளார்.