சாதிவாரி கணக்கெடுப்பு இல்லையேல் மத்திய அரசை கவிழிப்போம் லாலு எச்சரிக்கை!

ரபீக் · ரபீக் Mon Jun 14, 2010 10:46 am

சாதி வாரியாக இந்திய மக்கள்தொகை கணக்கெடுப்பு எடுக்கப்படாவிட்டால் மத்திய அரசை கவிழ்க்கவும் தயங்கமாட்டோம் என ராஷ்ட்ரிய ஜனதா தள தலைவரும் முன்னாள் மத்திய அமைச்சருமான லாலு பிரசாத் யாதவ் தெரிவித்து இருக்கிறார் .

பத்தாண்டுகளுக்கு ஒருமுறை எடுக்கப்படும் மக்கள்தொகை கணக்கெடுப்பு பலத்த ஏற்பாடுகளுடன் நடந்து வருகிறது. மக்கள்தொகை கணக்கெடுப்பில் சாதிவாரியாக கணக்கெடுப்பு நடத்தப்பட வேண்டும் என பல்வேறு மட்டத்திலும் கோரிக்கை எழுப்பப்பட்டு வருகிறது. சாதிவாரி கணக்கெடுப்புக்கு பல இடங்களில் ஆதரவும் சில முகாம்களில் எதிர்ப்பும் இருந்து வருகிறது.

விடுதலையடைந்த காலத்தில் இருந்து பட்டியலின மக்களைக் குறித்த கணக்கெடுப்பு மட்டுமே எடுக்கப்பட்டு வந்தது. அனைத்து சாதி மக்கள் குறித்த கணக்கெடுப்பு நடத்தப்பட்டால் வளர்ச்சிப் பணிகள் குறித்த முக்கிய முடிவுகளை எட்ட முடியும் என்பது சமூக ஆர்வலர்களின் கருத்தாக இருக்கிறது.

இந்நிலையில் சாதிவாரி கணக்கெடுப்பு நடத்தப்படாவிட்டால் மத்திய அரசை கவிழ்ப்போம் என லாலு எச்சரித்து இருக்கிறார்.