தொலைதூரக் காதல்! கவிதைப்போட்டி எண் 082

by **சிவா** Tue Jul 13, 2010 3:31 pm

கவிதைப்போட்டி எண் 082

தொலைதூரக் காதல்!

நகன்றும் அசைந்தும் விரட்டியும்
அகலவியலா கொசுத்தொல்லையென
உன் நினைவுகள்

குனிந்து நிமிர்ந்து ஓடி
அனிச்சை செயல்களில் ஆடித் திரிந்தும்
இறுக்கிச் சம்மனமிட்டிருக்கின்றன
உன் நோக்கியான என் நினைவுகள்

இளித்து வருந்தி கடுத்து
தன் கதையளப்பவர்களுக்கெல்லாம்
ரசித்து ருசித்து “ம”; இட்டுக்கொண்டே
உன்னில் கரைந்து கிடக்கிறேன் முழுதுமாய்

கறுத்து மஞ்சனித்து பின் வெளுத்து
வெளியுலகம் வேஷம் பலவேற்றும்
என்னுலகம் மட்டும் இருண்டு நிற்கின்றன
காலம் பல கழிந்தும்

மிதக்குளிரில் நனைந்து கரையும் மாலைப் பொழுதுகளிலும்
வலிய வந்தனைக்கும் நந்தவன மலர் மணங்களிலும்
வெளியிறங்கி உட்கொள்ள நாத் துடிக்கும்
பன்சுவை நொறுக்குத் திண்பண்டங்களிலும்
தும்பிகளின்றி இசைவாகா சிறுவனைப் போல்தான்
ஏற்றமாகவே எல்லாம் கண்ட என்னுலகம்
எனக்கிசைய மறுக்கிறது உன் இல்லாமைகளில்.

by lakshmisivagami Tue Jul 13, 2010 4:29 pm

காதல் கவிதை
என் வழிகளை பார்க்க வேண்டாம்

என் வரிகளை பார்த்தாலே போதும்
என் உள்ளத்தை பார்க்க வேண்டாம்
என் வரிகளை பார்த்தாலே போதும்.

by மஞ்சுபாஷிணி Wed Jul 14, 2010 4:08 pm

தூரத்தில் இருக்கும் காதல் என்னவெல்லாம் செய்யும் ஏக்கங்களில் தன்னை தொலைக்கும் நினைவுகளில் தன்னை கரையவைக்கும் உயிர்ப்பாய் உறைய வைக்கும் என்பதை சொல்லும் அழகிய வரிகள்....

அன்பு பாராட்டுக்கள் நண்பரே...

by Ganesh1 Thu Aug 05, 2010 4:18 pm

நன்றாக உள்ளது பரிசுக் கவிதை. இதை போன வருடம் வேறொரு இணைய தள மலரில் படித்து ரசித்திருக்கிறேன்.

வாழ்க வளமுடன். [You must be registered and logged in to see this image.]

by Ganesh1 Fri Aug 06, 2010 12:12 pm

எனது மேற்கண்ட கருத்துக்கு யாரிடமிருந்தோ மிரட்டி என்னை இத்தளத்திலிலிருந்து விலகச் சொல்லி மின் அஞ்சல் வந்துள்ளது. பாரட்டினாலும் இந் நிலையா? !!! [You must be registered and logged in to see this image.]

ஓர் குடப் பாலில் ஒரு துளி விஷம் போதும்,வீணடிக்க. நல்ல வலை தளத்தில் இவ்வாறா? [You must be registered and logged in to see this image.]

வாழ்க வளமுடன் [You must be registered and logged in to see this image.]

by **ராஜா** Fri Aug 06, 2010 1:20 pm

Ganesh1 wrote:எனது மேற்கண்ட கருத்துக்கு யாரிடமிருந்தோ மிரட்டி என்னை இத்தளத்திலிலிருந்து விலகச் சொல்லி மின் அஞ்சல் வந்துள்ளது. பாரட்டினாலும் இந் நிலையா? !!! [You must be registered and logged in to see this image.] ஓர் குடப் பாலில் ஒரு துளி விஷம் போதும்,வீணடிக்க. நல்ல வலை தளத்தில் இவ்வாறா? [You must be registered and logged in to see this image.] வாழ்க வளமுடன் [You must be registered and logged in to see this image.]

என்ன சொல்ல வரீங்க ?! , உங்களுக்கு மிரட்டி மின்னஞ்சல் வந்துள்ளதா ?? இது நம்ம தளத்திற்கு புதுசா இருக்கு.

இந்த கவிதையை போன வருடம் இணையத்தில் பார்த்துள்ளதாக சொல்லியிருக்கிறீர்கள் , கவிதையின் தலைப்பு / வரிகள் எதையாவது நினைவு படுத்தி சொல்ல இயலுமா?.

by Ganesh1 Fri Aug 06, 2010 3:27 pm

ஏதோ சொல்லப் போய்.. விடுங்கள். என்னிடம் பயின்ற மாணவ/மாணவியகவும் இருக்கலாம்.

வாழட்டும் வளமுடனே.

by **ராஜா** Fri Aug 06, 2010 3:41 pm

Ganesh1 wrote:ஏதோ சொல்லப் போய்.. விடுங்கள். என்னிடம் பயின்ற மாணவ/மாணவியகவும் இருக்கலாம். வாழட்டும் வாளமுடனே.

நீங்க சொன்னா சரி தான் ஐயா , பெரியவர்கள் பெரியவர்கள் தான் , உங்கள் பெருந்தன்மைக்கு நன்றி [You must be registered and logged in to see this image.]

இருந்தாலும் இது போன்ற விஷயங்கள் நம் தளத்திற்கு புதிது , உங்களுக்கு ஆட்சேபனை இல்லையென்றால் அந்த தனிமடலை [You must be registered and logged in to see this link.] இதற்கு அனுப்பவும்,