சத்துணவு குழந்தைகள் போல தட்டுடன் செல்லும் இன்ஜி., கல்லூரி மாணவிகள்

நவீன் · நவீன் Wed Aug 04, 2010 9:27 am

ராமநாதபுரம் : சத்துணவு குழந்தைகள் போல கையில் தட்டுடன் சாப்பாட்டிற்கு
செல்லும் அவல நிலைக்கு அரசு இன்ஜினியரிங் கல்லூரி மாணவ, மாணவிகள்
தள்ளப்பட்டுள்ளனர்.
ராமநாதபுரத்தில் அரசு இன்ஜினியரிங் கல்லூரி கொண்டு வரப்பட்டு, இதற்கான
கட்டடம் கிழக்கு கடற்கரை சாலை பகுதியில் கட்டப்பட்டு வருகிறது.
தற்காலிகமாக ராமநாதபுரம் தினமலர்நகர் அருகே வாடகை கட்டடத்தில் இயங்கி
வருகிறது. ரோட்டில் இருபுறமும் உள்ள கட்டடத்தில் பல்வேறு சிரமங்களுக்கு
மத்தியில் மாணவ, மாணவிகள் படித்து வருகின்றனர். வகுப்பறை, கேண்டீன், லேப்
என ஒவ்வொரு அறையும் ஓரிடத்தில் இருப்பதால் மாணவ, மாணவிகள் அலைகழிய வேண்டிய
கட்டாயத்திற்கு தள்ளப்படுகின்றனர்.
இதையெல்லாம் விட கொடுமையாக உணவுக்காக கையில் தட்டு ஏந்தி பிரதான
ரோட்டில் நடந்து செல்ல வேண்டிய கட்டாயம் இன்ஜினியரிங் கல்லூரி மாணவ,
மாணவிகளுக்கு நேர்ந்துள்ளது. அங்கன்வாடி மையம் மற்றும் தொடக்கப்பள்ளிகளில்
தான் சத்துணவுக்காக குழந்தைகள் கையில் தட்டு ஏந்தி செல்வதை நாம்
பார்த்திருப்போம். இங்கு இன்ஜினியரிங் கல்லூரி மாணவ,மாணவிகள் தட்டுடன்
செல்வது பலரின் கேலிகூத்துக்கு ஆளாகிஉள்ளது. ரோட்டை கடக்கும் போது இவர்கள்
விபத்துக்குள்ளாகும் நிலையும் உருவாகிறது. பெற்றோருக்கு கவலையளிக்கும்
இச்செயலுக்கு புதிய கட்டடப்பணி நிறைவு பெறுவது தான் தீர்வாக இருப்பதால்,
அரசு தரப்பில் இதில் ஆர்வம்காட்ட வேண்டும்.

சபீர் · சபீர் Wed Aug 04, 2010 9:54 am

உலகில் அதிகூடிய கோடிஸ்வரர்களும் இந்தியாவில்தான் உள்ளனர் அதேபோல் இப்படி அன்றாட உணவுக்கு அல்லேலப்பட்டுக்கொண்டிருக்கும் ஏழைகளும் இந்தியாவில் உள்ளனர் சத்துணவு குழந்தைகள் போல தட்டுடன் செல்லும் இன்ஜி., கல்லூரி மாணவிகள் 440806

சத்துணவு குழந்தைகள் போல தட்டுடன் செல்லும் இன்ஜி., கல்லூரி மாணவிகள் 440806

.
ஒருசில மணித்தியாலங்களில் கிரிகெட்டுக்காக கோடிக்கண்கில் செலவளிக்கும் இவர்கள் இப்படியான ஏழைகளையும் ஏன் பார்க்கமாட்டங்கிறாங்க. சத்துணவு குழந்தைகள் போல தட்டுடன் செல்லும் இன்ஜி., கல்லூரி மாணவிகள் 440806