விலைவாசி உயர்வை கண்டித்து சைதாப்பேட்டையில் அ.தி.மு.க. ஆர்ப்பாட்டம்

சென்னை,


விலைவாசி
உயர்வை கண்டித்து தென்சென்னை மாவட்ட அ.தி.மு.க. சார்பில் சைதாப்பேட்டை
பனகல் மாளிகை முன்பு இன்று ஆர்ப்பாட்டம் நடத்தப்படும் என்று ஜெயலலிதா
அறிவித்து இருந்தார்.

அதன்படி இன்று அ.தி. மு.க. சார்பில் ஆர்ப்பாட்டம் நடந்தது. ஆர்ப்பாட்டதுக்கு மகளிர் அணி செயலாளர் கோகுல இந்திரா தலைமை தாங்கினார்.

சிட்லபாக்கம்
ராஜேந்திரன் எம்.பி., தென் சென்னை மாவட்ட செயலாளர் செந்தமிழன் எம்.எல்.ஏ.,
கலைராஜன் எம்.எல்.ஏ. ஆகியோர் முன்னிலை வகித்தனர். ஆர்ப்பாட்டத்தை தொடங்கி
வைத்து கோகுல இந்திரா பேசியதாவது:-

விலைவாசி
உயர்வால் தமிழகம் மட்டுமல்ல, பாராளுமன்றமே ஸ்தம்பித்து நிற்கிறது. கியாஸ்
விலை உயர்வால், சாதாரண மக்கள் கியாஸ் சிலிண்டரை பயன்படுத்த முடியவில்லை.
ஆட்சியாளர்கள் இதை கண்டு கொள்ளவில்லை. தோல்வி பயத்தில் ஜெயலலிதாவை
தனிப்பட்ட முறையில் விமர்சித்துள்ளார்கள். அரசியல் ரீதியாக என்ன
சொன்னாலும் அதற்கு பதிலடி கொடுக்கவும், சந்திக்கவும் தயாராக இருக்கிறோம்.

தொடர்ந்து
விமர்சனம் செய்தால் அ.தி.மு.க. தொண்டர்கள் வெகுண்டு எழுவார்கள். விலைவாசி,
சட்டம்-ஒழுங்கு கட்டுப் பாட்டுக்குள் இருக்க மீண்டும் அ.தி.மு.க.
தலைமையில் மக்களாட்சி மலர வேண்டும். இதற்காகத்தான் ஜெயலலிதா மாநிலம்
முழுவதும் மக்களை சந்தித்து முழங்கி வருகிறார். மத்திய-மாநில அரசுகள்
பெட்ரோல்-டீசல், கியாஸ் மின்கட்டணம் உயர்வை ரத்து செய்ய வேண்டும்.

இவ்வாறு அவர் பேசினார்.

செந்தமிழன்
பேசும்போது, “பொறுப்புள்ள எதிர்க்கட்சி தலைவராக இருந்து மக்கள்
பிரச்சினைகளுக்காக போராட்டம் நடத்தி அரசின் கவனத்தை ஜெயலலிதா ஈர்த்து
வருகிறார்” என்றார்.

சிட்லபாக்கம்
ராஜேந்திரன் எம்.பி. பேசும்போது, “ஆளும் கட்சியாக இருந்தாலும்
எதிர்க்கட்சியாக இருந்தா லும் மக்கள் பிரச்சினைக் காக போராடும் ஒரே கட்சி
அ.தி.மு.க.தான்” என்றார்.
ஆர்ப்பாட்டத்தில்
பதர்சயீத் எம்.எல்.ஏ., அவைத் தலைவர் கோதண்டராமர், நிர்வாகிகள்
ஏ.ஏ.அர்ஜுனன், முகமதுஅலி ஜின்னா, சின்னையன், ஸ்டிக்கர் ரவி, செல்வகண்ணன்,
வீரை கறீம், பெருங்குடி கே.பி.கந்தன், மோகன், சிவராஜ், ராமலிங்கம்,
தி.நகர் அசோக், கருணாகரன், சைதை சாமி, சைதை சாரதி, அண்ணாநகர் என்.தயாளன்,
மயிலை ரமேஷ்கண்ணன், அலிகான் பஷீர், சரஸ்வதிரெங்கசாமி, மாணவர் அணி
பிரவீன்குமார், பவானிசங்கர், தாமல்கண்ணன், மொசைக் ஜெகதீஷ், பேராசியர்
ரவிச்சந்திரன், பொன்சேது விஜயகுமார், கே.புருசோத் தமன், முன்னாள்
கவுன்சிலர் அமீர்பாஷா, வெங்கடேசன், ஈஸ்வரன் உள்பட ஏராளமானோர் கலந்து
கொண்டனர்.