மேட்டூரில் கொட்டும் மழையில் சினிமாவை மிஞ்சும் அளவுக்கு ஆயுதங்களுடன் ரவுடிகள் மோதல்

மேட்டூரில் கொட்டும் மழையில் சினிமாவை மிஞ்சும் அளவுக்கு

ஆயுதங்களுடன் ரவுடிகள் மோதல்

ஒருவரை ஒருவர் சரமாரியாக வெட்டிகொண்டனர்


மேட்டூர்,



சேலம
மாவட்டம் மேட்டூர் மாதையன் குட்டை பகுதியை சேர்ந்தவர் முரளிதரன். மத்திய
ரிசர்வ்படை போலீஸ்காரர். இவர் 2007-ல் மேட்டூரில் நடந்த ஒரு கொலை வழக்கில்
குற்றவாளியாக சேர்க்கப்பட்டுள்ளார். இந்த வழக்கில் இன்னும் தீர்ப்பு
கூறவில்லை.

மேட்டூர்
பொன்நகரை சேர்ந்தவர் மாதேஷ். பிரபல ரவுடியான இவர் மீது பல்வேறு வழக்குகள்
உள்ளன. 2007-ல் நடந்த கொலையில் இறந்தவர் மாதேசின் நண்பர் ஆவார். இந்த கொலை
வழக்குக்காக மாதேஷ் சாட்சிகளை அழைத்து வருவது, அவர்களுக்கு ஆறுதல் கூறுவது
போன்ற வேலைகளை செய்து வந்தார்.

இதனால்
முரளிதரனுக்கும், மாதேசுக்கும் முன்விரோதம் ஏற்பட்டுள்ளது. இந்த விரோதம்
காரணமாக நேற்று மதியம் கொட்டும் மழையில் மேட்டூர் பொன்நகர் வாய்க்கால்
அருகே நின்று கொண்டிருந்த மாதேசை முரளிதரன், குட்டியப்பன், இளங்கோ,
தங்கம், அய்யண்ணன், அல்போன்ஸ், ஆகிய 6 பேர் கொண்ட கும்பல் கத்தி.
வீச்சரிவாள் போன்ற பயங்கர ஆயுதங்களுடன் வந்து தாக்கினர்.

பதிலுக்கு
மாதேஷ் தான் வைத்திருந்த ஆயுதத்தால் அவர்களை திருப்பி தாக்கினார். இதில்
முரளிதரனுடன் வந்த 5 பேரும் தப்பி ஓடிவிட்டனர். இதில் மாதேஷ் மற்றும்
முரளி தரன் ஆகியோர் ஒருவரை ஒருவர் கத்தியால் வெட்டிக் கொண்டனர். சினிமாவை
மிஞ்சும் அளவுக்கு அவர்கள் மோதிக் கொண்டனர். இதுப்பற்றி தெரியவந்ததும்
அங்கு ஏராளமான பொதுமக்கள் வந்து வேடிக்கை பார்த்தனர். ஆயுதங்களுடன்
அவர்கள் மோதிக் கொண்டதில் இருவரும் படுகாயம் அடைந்தனர்.

பின்னர்
அவர்கள் இருவரும் மேட்டூர் அரசு ஆஸ்பத்திரியில்¢ அனுமதிக்கப்பட்டனர். மேல்
சிகிச்சைக்காக முரளிதரன் சேலம் அரசு ஆஸ்பத்திரிக்கும், மாதேஷ் கோவையில்
உள்ள தனியார் ஆஸ்பத்திரிக்கும் கொண்டு செல்லப்பட்டு அங்கு சிகிச்சை பெற்று
வருகிறார்கள்.

இதுகுறித்து
மாதேஷ் கொடுத்த புகாரின் பேரில் முரளிதரன் உள்பட 6 பேர் மீது
வழக்குப்பதிவு செய்யப்பட்டுள்ளது. அதே போல் முரளிதரனின் தந்தை பரமசிவம்
கொடுத்த புகாரின் பேரில் மாதேஷ் அவரது சகோதரர் பிரபு ஆகியோர் மீது
வழக்குப்பதிவு செய்யப்பட்டுள்ளது.

இந்த
சம்பவம் பற்றி கேள்விப்பட்டதும் மேட்டூர் டி.எஸ்.பி.சிவானந்தம் சம்பவ
இடத்திற்கு நேரில் சென்று பார்வையிட்டார். மேட்டூர் இன்ஸ்பெக்டர்
சக்கரபாணி, வழக்குப்பதிவு செய்து குற்றவாளிகளை தேடிவருகிறார்.மேட்டூரில்
ரவுடிகள் மோதிக் கொண்டதையடுத்து முக்கிய இடங்களில் போலீஸ் பாதுகாப்பு
போடப்பட்டுள்ளது. ரவுடிகள் மீண்டும் மோதிக் கொள்ளலாம் என்ற காரணத்தால்
போலீசார் ரோந்தும் சுற்றி வருகிறார்கள்.இந்த சம்பவம் காரணமாக மேட்டூர்
நகரம் பரபரப்புடன் காணப்படுகிறது.