தகவல் உரிமை சட்டத்தின் கீழ், தனியார் பள்ளிகளும் வந்தன

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

தகவல் உரிமை சட்டத்தின் கீழ், தனியார் பள்ளிகளும் வந்தன

#369700

நவீன்
வி.ஐ.பி: பதிவுகள் : 4665
இணைந்தது : 29/05/2009

Post நவீன் Tue Aug 17, 2010 6:22 pm

புதுடில்லி:

தனியார் கல்வி நிறுவனங்களும் தகவல் அறியும் உரிமை சட்டத்தின் கீழ் வர
வேண்டுமென, மத்திய தகவல் கமிஷன் உத்தரவிட்டுள்ளது. டில்லியில் தனியார்
பள்ளியில் பணிபுரிந்த பிந்து கன்னா என்ற ஆசிரியை தனது பணி விவரம் குறித்த
ஆவணங்களை பெறுவதற்காக, தகவல் அறியும் உரிமை சட்டத்தின் கீழ் கல்வி
இயக்குனரகத்தில் மனு செய்தார். ஆனால், அவர் பணிபுரியும் பள்ளி, தனியார்
நிர்வாகத்தின் கீழ் இயங்குவதால், தகவல் அறியும் உரிமை சட்டத்தின் கீழ்
வராது என்று கல்வி இயக்குனரக அலுவலகம் தெரிவித்து விட்டது. இதனால், பிந்து
கன்னா, மத்திய தகவல் கமிஷனில் புகார் தெரிவித்தார். இதை தொடர்ந்து, தகவல்
அறியும் உரிமை சட்டத்தின் கீழ், அரசு உதவி பெறும், பெறாத தனியார் கல்வி
நிறுவ னங்கள் வர வேண்டும் என்று உத்தரவிட்டுள்ளது. இதற்காக, அரசு
அங்கீகாரம் பெற்ற தனியார் கல்வி நிறுவனங்கள் தொடர்பான விவரங்களை, கல்வி
இயக்குனரகத்திடமும், மாநில கல்வி துறையிடமும் அளிக்க வேண்டுமென
உத்தரவிட்டுள்ளது. டில்லி பள்ளி கல்வித்துறை விதிகள் 1973ன் படி, அரசு
அங்கீகாரம் பெற்ற பள்ளிகளின் அனைத்து ஆவணங்களையும், அரசு அதிகாõரிகள் எந்த
நேரத்திலும் பார்வையிட அனுமதி உள்ளது. ஆனால், தனி நபர்களாக இருக்கும்
பட்சத்தில், தகவல் அறியும் உரிமை சட்டத்தின் மூலம் மட்டுமே இந்த தகவல்களை
பெற முடியும்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1