பிணையாக வைத்திருந்த போலீசைக் கொன்று வெறியாட்டம் : "கெடு' முடிந்ததால் பீகார் அரசுக்கு நக்சல்

பாட்னா : பீகாரில், நக்சலைட்கள் வெறியாட்டம் நடத்தியுள்ளனர். லக்கிசராய் மாவட்டத்தில் இருந்து கடத்திய நான்கு போலீசாரில் ஒருவரை, நேற்று கொடூரமாக கொன்றனர். தங்களின் நிபந்தனைகளை நிறைவேற்ற பீகார் அரசுக்கு கெடு விதித்தும் கண்டுகொள்ளாததால், அரசுக்கு சவால் விடும் வகையில் இதை செய்துள்ளனர்.

பீகார் மாநிலம் லக்கிசராய் மாவட்டத்தில் உள்ள கஜ்ரா போலீஸ் நிலைய பகுதியில் கடந்த ஞாயிறன்று நக்சலைட்கள் தாக்குதல் நடத்தினர். அப்போது போலீசாருக்கும், நக்சலைட்களுக்கும் இடையே கடும் துப்பாக்கிச் சண்டை நடந்தது. இந்தச் சண்டையில் எட்டு போலீசார் பலியாயினர். சப்-இன்ஸ்பெக்டர்கள் ரூபேஷ் குமார், அபய் பிரசாத் யாதவ், போலீஸ்காரர்கள் ஈதேஷம்கான், லூகாஸ் தெதி ஆகிய நான்கு பேரை கடத்திச் சென்றனர். "பிணைக்கைதியாக வைத்திருக்கும் அவர்களை விடுவிக்க வேண்டும் எனில், சிறையில் உள்ள நக்சலைட்கள் எட்டு பேரை கடந்த புதன்கிழமை(நேற்று முன்தினம்) மாலை 4.00 மணிக்குள் விடுவிக்க வேண்டும். நக்சலைட்களுக்கு எதிராக பாதுகாப்புப் படையினர் மேற்கொண்டுள்ள, "பசுமை வேட்டை' நடவடிக்கையை நிறுத்த வேண்டும்' என, நிபந்தனை விதித்தனர். ஆனால், இந்த நிபந்தனைகளை நிறைவேற்ற பீகார் மாநில அரசு முன்வரவில்லை.

அதே நேரத்தில், "பிணைக்கைதிகளாக உள்ள போலீசாரை எந்தவிதமான நிபந்தனையும் இன்றி விடுவிக்க வேண்டும்' என, நக்சலைட்களுக்கு பல்வேறு அரசியல் கட்சிகளும், அமைப்புகளும், கடத்தப்பட்ட போலீசாரின் உறவினர்களும் வேண்டுகோள் விடுத்தனர். இருந்தாலும், நக்சலைட்கள் அதற்கு செவிசாய்க்கவில்லை. தங்களின் நிபந்தனைகளை அரசு நிறைவேற்றுவதற்கான காலக்கெடுவை நேற்று காலை 10 மணியாக மாற்றினர். அதன் பின்னும், பீகார் மாநில அரசு பணியவில்லை. மாநில அரசின் உயர் அதிகாரிகளுடன் ஆலோசனை நடத்திய பீகார் முதல்வர் நிதிஷ்குமார், நக்சலைட்களால் கடத்தப் பட்ட போலீசாரை மீட்க விரைவாக நடவடிக்கை எடுக்கும்படி கேட்டுக் கொண்டார்.

இந்திய தாலிபான்கள்