பள்ளம் தோண்டியபோது துர்கை சிலை கண்டெடுப்பு

டயானா · டயானா Sat Sep 04, 2010 11:04 am

விழுப்புரம்,

பாதாள சாக்கடை அமைப்பதற்காக சாலையை தோண்டியபோது 8 கரங்களைக் கொண்ட
துர்கை சிலை வெள்ளிக்கிழமை கண்டெடுக்கப்பட்டது.விழுப்புரம் நகரில்
பாதாள சாக்கடை திட்டப் பணிகள் நடைபெற்று வருகின்றன. இதில் திரு.வி.க.
வீதியில் உள்ள சிவன் கோயில் அருகில் ஜேசிபி இயந்திரம் மூலம் வெள்ளிக்கிழமை
பள்ளம் தோண்டும் பணி நடைபெற்றது.அப்போது தோண்டப்பட்ட
பள்ளத்தில் எட்டுக் கரங்களுடன் விளங்கிய துர்கை அம்மன் சிலை
கண்டெடுக்கப்பட்டது. பிரதான சாலைக்கு அடியில் இந்த சிலை எப்படி வந்தது,
எவ்வளவு காலத்துக்கு முன்பு புதைபட்டது என்று அப்பகுதி மக்கள்
ஆச்சரியத்துடன் பார்த்தனர்.சிலர் சிலைக்கு மஞ்சள் குங்குமம் இட்டு
வழிபட்டனர். தகவல் அறிந்த விழுப்புரம் வட்டாட்சியர் சேதுராமன், நகர்
மன்றத் தலைவர் இரா.ஜனகராஜ் ஆகியோர் வந்து பார்வையிட்டனர்.தற்போது
வட்டாட்சியர் அலுவலகத்தில் வைக்கப்பட்டுள்ள துர்கை அம்மன் சிலை எந்த
காலத்தைச் சேர்ந்தது என்று கண்டறிய தொல்பொருள் ஆய்வுத் துறைக்கு தகவல்
தெரிவிக்கப்பட்டுள்ளதாக வட்டாட்சியர் தெரிவித்தார்