மலேசியா: சளிக் காய்ச்சல் மரணங்கள்: எட்டாவது நபர் (ஆசிரியை) பலி

**சிவா** · **சிவா** Mon Aug 03, 2009 10:49 pm

* பெண் சிசு நலமாக இருக்கிறது
* புதிதாக 17 பேர் பீடிக்கப்பட்டனர்

மலேசியாவில் ஒரு பள்ளி ஆசிரியை, வயது 51, A (H1N1) நோய்க்குப் பலியாகியுள்ளார். இது, இந்நாட்டில் சம்பவித்துள்ள எட்டாவது மரணமாகும்.

அந்த ஆசிரியை, சிலாங்கூரில் உள்ள ஒரு பள்ளியைச் சேர்ந்தவர் என்றும், கடந்த ஜூலை 27ல் அந்த பள்ளிக்கூடம் மூடப்பட்டதாகவும் ‘த ஸ்டார்’ பத்திரிகை கூறியது.அவருக்கு இருதய நோயும் நியுமோனியாவும் இருந்ததாக கூறப்படுகிறது.

இதற்கு முன்னர் இன்று அதிகாலை நான்கு மணிவாக்கில், சரவாக்கில், 23 வயது பெண் மரணமடைந்தார். இரண்டு வாரங்களுக்கு முன்னர்தான் தமது முதலாவது குழந்தையை அவர் ஈன்றெடுத்தார்.

கடுமையான நியுமோனியாவால் சிரமப்பட்டதை தொடர்ந்து இன்று அதிகாலை மிரி மருத்துவமனையில் தீவிர சிகிச்சைப் பிரிவில் அவர் சேர்க்கப்பட்டார்.

சரவாக்கில், சளிக்காய்ச்சல் சம்பந்தப்படும் முதலாவது மரணம் இதுவாகும். இந்த விவரங்களை சுகாதார தலைமை இயக்குநர் டாக்டர் மொகமட் இஸ்மாயில் மெரிக்கான் இன்று தெரிவித்தார்.

அதே மருத்துவமனையில் கடந்த ஜூலை 21ஆம் திகதி, ஒரு பெண் மகவை அவர் பிரசவித்தார் என்றும் மெரிக்கான் குறிப்பிட்டார்.

பிரசவத்துக்குப் பின்னர் கடுமையான நியுமோனியாவால் அவர் சிரமப்பட்டார். ஜூலை 23ல் A(H1N1) வைரஸ் கிருமியால் அவர் பீடிக்கப்பட்டிருந்தது தெரியவந்தது.

அந்த சிசு நோயிலிருந்து விடுபட்டு, பாதுகாப்பாக இருப்பதாகவும் அறிவிக்கப்பட்டுள்ளது.

இதனிடையே, புதிதாக, 17 பேருக்கு இந்த நோய் கண்டுள்ளதாக இஸ்மாயில் கூறினார். உள்ளூரில் பரவிய கிருமியால் பாதிக்கப்பட்ட அவர்கள் அனைவரும் மலேசியர்கள்.

மலேசியா: சளிக் காய்ச்சல் மரணங்கள்: எட்டாவது நபர் (ஆசிரியை) பலி

மலேசியா: சளிக் காய்ச்சல் மரணங்கள்: எட்டாவது நபர் (ஆசிரியை) பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக