ஆற்றலை அதிகப்படுத்தும் புதிய இயந்திரம் கண்டுபிடிப்பு

சென்னை : அரியலூர் மாவட்டம், கண்டிராதிதம் கிராமத்தைச் சேர்ந்தவர் எம்.நரசிம்மன் (48). விவசாயி. ஒன்பதாம் வகுப்பு வரை படித்துள்ளார். இவருக்கு மனைவி, 2 மகன்கள் உள்ளனர். இவர், ஆற்றலை அதிகரிக்கும் புதிய இயந்திரம் கண்டுபிடித்துள்ளார். ஆராய்ச்சிப் படிப்பை படித்திருந்தால் மட்டுமே, புதிய இயந்திரத்துக்கு பதிவு உரிமைப் பெற முடியும் எனக்கூறி பல்கலைக்கழகங்கள் மறுப்பு தெரிவிக்கின்றன. சென்னையில் நரசிம்மன் நிருபர்களுக்கு நேற்று அளித்த பேட்டி:ஆர்க்கிமிடிஸ் விதி, பாஸ்கல் விதி ஆகியவற்றை கலந்து, 3வது விதியை கண்டுபிடித்திருக்கிறேன். இதன்மூலம் ஆற்றலை அதிகப்படுத்த முடிகிறது.சிறு வயதிலேயே மோட்டார், பைக், டிராக்டர் போன்றவற்றை பழுதுபார்ப்பேன். இதன்மூலம், அடுத்த கட்ட முயற்சியாக இந்த புதிய விதியை 1996ம் ஆண்டு கண்டுபிடித்தேன். அதன்படி 2 ஆண்டுகளில் புதிய இயந்திரத்தை வடிவமைத்திருக்கிறேன். அதன் எடை 7 டன். இது, மற்ற இயந்திரங்களைக் காட்டிலும் 2.7 மடங்கு ஆற்றல் கொண்டது. இதனால் மின்சாரம் மற்றும் எரிபொருள் இல்லை என்ற பேச்சுக்கே இடமிருக்காது.நான் 9வது வரை மட்டுமே படித்திருப்பதால், என்னுடைய புதிய இயந்திரத்துக்கு பதிவு உரிமம் தர பல்கலைக்கழகங்கள் மறுப்பு தெரிவிக்கின்றன. எனது நிலத்தை அடமானம் வைத்து, க்ஷீ 15 லட்சம் செலவில் புதிய இயந்திரத்தை உருவாக்கி இருக்கிறேன். எனது படைப்புக்கு பதிவு உரிமைக்காக 15 ஆண்டுகளாக போராடி வருகிறேன்; இன்னமும் கிடைத்தபாடில்லை.இவ்வாறு நரசிம்மன் கூறினார்.