ஸ்டேட் பாங்க் குழுமத்தில் 6113 கிளார்க் பணியிடங்கள் அறிவிப்பு

அன்பு தளபதி · அன்பு தளபதி Wed Oct 06, 2010 11:52 am

தொடர்ந்து பல்லாயிரக்கணக்கான பணி வாய்ப்புகளை நமது பொது துறை வங்கிகள் அறிவிக்க உள்ளதை நாம் இந்த பகுதியில் அடிக்கடி குறிப்பிட்டு வருகிறோம். பத்தாயிரத்துக்கும் அதிகமான கிளார்க் பணிக்கான முடிவுகளை விரைவில் அறிவிக்க உள்ளது. இந்த நிலையில் இதன் குழுமத்தில் இயங்கிடும் 6 துணை வங்கிகள் 6113 கிளார்க் காலியிடங்களை அறிவித்துள்ளது. ஸ்டேட் பாங்க் ஆப் திருவாங்கூர் 1000 ,ஸ்டேட் பாங்க் ஆப் மகாராஷ்டிரா 410 , ஸ்டேட் பாங்க் ஆப் ஐதராபாத் 2195 , ஸ்டேட் பாங்க் ஆப் பிகானீர் அண்ட் ஜெய்ப்பூர் 1134 , ஸ்டேட் பாங்க் ஆப் பாட்டியாலா 1374 என்பதாக காலியிடங்கள் அறியப்பட்டுள்ளன.
தகுதிகள்:
இந்த பணியிடங்களுக்கு பிளஸ் 2 /பட்டப் படிப்பு/ டிப்ளமோ படிப்பு முடித்திருப்பவர்கள்
விண்ணப்பிக்கலாம். பிளஸ் 2 வில் குறைந்தது 60 % மதிப்பெண்ணுடன் தேர்ச்சி பெற்றிருக்க வேண்டும். டிப்ளோமா படிப்பு தகுதி பெற்றிருப்பவரும் இதே சதவீத மதிப்பெண் பெற்றிருக்க வேண்டும். அவர்கள் முழு நேர படிப்பாக இதை முடித்திருக்க வேண்டும். அது அரசு அங்கீகாரம் பெற்ற படிப்பாக இருக்க வேண்டும். பட்டப் படிப்பு முடித்திருப்பவர்கள் 40 % மதிப்பெண் பெற்றிருந்தால் போதும். எஸ்.சி.எஸ்.டி. பிரிவினர் 5 % குறைவாக பெற்றிருந்தால் போதும். பணிக்காக தேர்வு செய்யப்படுபவர்கள் தொடக்கத்தில் 6 மாதம் புரொபெஷன் எனப்படும் பயிற்சி கால முறையில் நியமிக்கப்பட்டு பின் பணி நிரந்தரம் செய்யப்படுவர்.
தேர்வு செய்யப் படும் முறை:
வழக்கமாக இது போன்ற வங்கி தேர்வுகளுக்கு நடத்தப்படும் போட்டி தேர்வு மூலமாகவே இதற்கும் தேர்வு செய்யப்படுவீர்கள். இந்த போட்டித் தேர்வில் ரீசனிங், கணிதம், ஆங்கிலம் மற்றும் மார்க்கெட்டிங்/கம்ப்யூட்டர் ஆப்டிடியுட் ஆகியவற்றில் கொள்குறி முறையிலான பகுதிகள் இடம் பெறும். தவறான பதில்களுக்கு நெகடிவ் மதிப்பெண்கள் கழிக்கப் படும்.
விண்ணப்பிக்கும் முறை:
இதற்கு ஆன் லைனில் விண்ணப்பிக்க வேண்டும். இப்படி விண்ணப்பிக்கும் போது கிடைக்கும் பிரிண்ட் அவுட்டை பத்திரமாக வைத்து கொள்ளவும். இந்த வங்கியின் இணைய தளத்தில் கிடைக்கும் பேமென்ட் ரசீதை பிரிண்ட் செய்து எடுத்துக் கொண்டு வங்கியின் கிளை ஒன்றில் ரூ. 250 செலுத்தி அதில் குறிப்பிடப்படும் ஜெர்னல் எண்ணை ஆன் லைனில் விண்ணப்பிக்கும் போது பதிவு செய்ய வேண்டும். அக்டோபர் 30 வரை பணம் செலுத்தலாம். ஆன் லைனில் விண்ணப்பிக்கவும் முழு விபரங்கள் அறியவும் பார்க்க வேண்டிய இணைய தள முகவரி www.statebankofindia.com http://www.statebankofindia.com/
ஆன் லைனில் விண்ணப்பிக்கக் கடைசி நாள் நவம்பர் 1.
போட்டி தேர்வு நாள் 16 .1 .2011 .

நன்றி தினமலர்