இலங்கைக்கு நல்லபெயர் எடுத்துத்தர வருடத்திற்கு 3 மில்லியன்

நிசாந்தன் · நிசாந்தன் Sun Oct 24, 2010 5:32 pm

பிரித்தானியாவில் செயல்பட்டுவரும் பிரத்தியேகமான மக்கள் தொடர்பு சாதனங்கள், மற்றும் அமைப்புகளுக்கு வருடம்தோறும் சுமார் 3 மில்லியன் பவுண்டுகளை இலங்கை அரசு கொடுத்துவருவதாக பி.பி.சி செய்திச்சேவை தெரிவித்துள்ளது. இவ்வாறான பிரத்தியேக நிறுவனங்கள், இலங்கையைப் பற்றி திட்டமிட்ட பரப்புரைகளை நடத்திவருகின்றன. இலங்கைக்கு நற்பெயர் ஏற்படுத்தும் வகையில் இவை செயல்பட வருடம்தோறும், சுமார் 3 மில்லியன் பிரித்தானிய பவுண்களை இலங்கை செலவழித்து வருவதாக இலங்கை மத்திய வங்கியின் ஆளுனர் அஜித் நிவாட் கப்பிரல் தெரிவித்துள்ளார்.

இலங்கை ஐ.நாவின் நெருக்குதலில் இருந்து தப்பிக்கவும், சர்வதேச அழுத்தத்தில் இருந்து தன்னைப் பாதுகாக்கவும், புலம்பெயர் தமிழர்கள் கொடுக்கும் அழுத்தத்தில் இருந்து தப்பிக்கவும் இவ்வாறான பிரத்தியேக நிறுவனங்களை சம்பளத்திற்கு அமர்த்தியுள்ளதாகவும் அவர் மேலும் தெரிவித்திருப்பது இலங்கை அரசை மேலும் சங்கடத்தில் ஆழ்த்தியுள்ளது. புலம்பெயர் தமிழர்கள் குறிப்பாக பிரித்தானிய வாழ் தமிழர்கள் பிரித்தானிய அரசோடு நெருக்கமான உறவுகளைப் பேணிவருவதாலும், பெரும் தொகையான தமிழர்கள் ஒரு இடத்தில் செறிவாக வாழ்வதால், வாக்குகள் போன்ற காரணத்திற்காக அரசும் அவர்களோடு உறவுகளைப் பேணிவருகின்றமை, இலங்கை அரசை மேலும் நெருக்கடியில் ஆழ்த்தி உள்ளதாகச் சொல்லப்படுகிறது.

இலங்கைக்கு சுற்றுலாப் பிரயாணத்திற்குச் செல்லுமாறும், இலங்கை ஒரு சொர்க்க பூமி என்றும் பிரித்தானியாவில் உள்ள பல பிரயாண முகவர்கள் விளம்பரப்படுத்தி வருவதும், இவ்வாறான பிரத்தியேக நிறுவனங்களின் தூண்டுதலாலேயே எனவும் கூறப்படுகிறது. சமீபத்தில் ஜி.எல் பீரிஸ் பிரித்தானியா வருகை தந்து மாநாடு ஒன்றையும் நடத்திச்சென்றுள்ளார். இருப்பினும் அவர் பி.பி.சி தொலைக்காட்சிக்கு பேட்டிகொடுக்க மறுத்துவிட்டதாகவும் அதிர்வு இணையம் அறிகிறது.

இலங்கைக்கு நல்லபெயர் எடுத்துத்தர வருடத்திற்கு 3 மில்லியன்

இலங்கைக்கு நல்லபெயர் எடுத்துத்தர வருடத்திற்கு 3 மில்லியன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக