ஆறு வயதில் 50 கிலோ எடை சிறுமி திடீர் மரணம்

**சிவா** · **சிவா** Sat Aug 22, 2009 2:16 am

மதுரை: மதுரை அருகே சமயநல்லூரை சேர்ந்த வேன் டிரைவர் தினகரன். மனைவி பஞ்சவர்ணம். இவர்களது மூத்த மகள் முத்துராக்கு (6). பிறக்கும் போது 2.5 கிலோ எடையுடன் இருந்தார். 6 வது மாதத்தில் 12 கிலோ என படிப்படியாக உடல் எடை அதிகரித்தது. தொடர்ந்து சிகிச்சை பெற்றும் எடை அதிகரிப்பிற்கான காரணம் கண்டறியப்படவில்லை.

வழக்கமாக 6 வயதில் 18 முதல் 20 கிலோ வரை குழந்தைகள் எடை இருக்க வேண்டும். முத்துராக்கு 50 கிலோ எடை இருந்தார். அவருக்கு மூச்சுத்திணறல் மற்றும் சிறுநீர் கழிப்பதில் சிரமம் ஏற்பட்டது. மதுரை அரசு மருத்துவமனை குழந்தைகள் வார்டில் ஆக.,5 ல் அனுமதிக்கப்பட்டார்.

எடையை குறைக்க பல்வேறு முயற்சிகளில் டாக்டர்கள் ஈடுபட்டும் பலனளிக்கவில்லை. முத்துராக்கிற்கு நேற்று நெஞ்சுவலி ஏற்பட்டு, தீவிர சிகிச்சைப் பிரிவிற்கு மாற்றப்பட்டார். இரவு 10.30 மணிக்கு அவர் இறந்தார்.