அன்புமணி ராமதாஸ் முதல்வராக வருவார்: குரு

தமிழகத்தில் 2016ல் அன்புமணி ராமதாஸ் முதல்வராக வருவார் என, வன்னியர் சங்க தலைவர் குரு பேசினார்.

வன்னியர் சங்க மாநில மாவட்ட நிர்வாகிகள் அறிமுக கூட்டம் புதுச்சேரியில் நடைபெற்றது. கூட்டத்துக்கு புதுவை மாநில வன்னியர் சங்க தலைவர் வேணுகோபால் தலைமை தாங்கினார். கூட்டத்தில் வன்னியர் சங்க தலைவர் குரு கலந்து பேசுகையில்,

பா.ம.க.வை ஜெயலலிதா மரம்வெட்டி கட்சி என்று சொல்கிறார். மரத்தை வைத்தவர்கள் விவசாயிகள். இவரோ அல்லது இவரது சாதிக்காரர்கள் வைத்தார்களா? அன்று நடந்த தொடர்சாலை மறியலில் 21 பேர் வீரமரணம் அடைந்தனர். போலீசாரின் காட்டு மிராண்டி தனத்தால் இந்த சம்பவம் நடைபெற்றது.

வன்னியர்களின் எழுச்சியை உலக நாடுகளே பாராட்டின. பாட்டாளி மக்கள் கட்சிதான் மிகவும் பிற்படுத்தப்பட்டோருக்கு 20 சதவீதம் இடஓதுக்கீட்டை பெற்று தந்தது. இந்த இடஒதுக்கீடு 107 சாதிகளுக்கு கிடைத்துள்ளது. இதற்காக போராடியவர்கள் வன்னியர்கள். 1989ல் தமிழகத்திலும், 2005ல் புதுவையிலும் பிற்படுத்தப்பட்ட மக்களுக்கு இடஒதுக்கீடு கிடைத்தது.

இதற்கு காரணமாக இருந்தவர் டாக்டர் ராமதாஸ்தான். புதுவையில் 60 சதவீதம் பேர் வன்னியர்கள் இருந்தும் சிறுபான்மையினரே முதல்வராக இருந்து வந்தனர். புதுவையில் வன்னியர்தான் முதல்வராக வரவேண்டும் என்று டாக்டர் ராமதாஸ் குரல் எழுப்பியதால்தான் கடந்த காங்கிரஸ் ஆட்சியில் வன்னியரை முதல் அமைச்சராக்கியது.

தமிழகத்திலும், புதுவையிலும் சிறபான்மையினர் முதல்வராக உள்ளனர். பெரும்பான்மையினரே அவர்களுக்க அடிமையாக உள்ளனர். மற்றவர்கள் சங்கம் வைத்தால் யாரும் எதுவும் கேட்பதில்லை. ஆனால் வன்னியர்கள் சங்கம் வைத்தால் கோபப்படுகிறார்கள். இந்தியாவில் காங்கிரசுக்கு முன்னதாகவே தோன்றிய சங்கம் வன்னியர் சங்கம்.

1981ல் வன்னியர் மகா சங்கம் தோற்றுவிக்கப்பட்டது. 18 புராணங்களில் 9வது புராணம் வன்னியர் புராணம். 2016ல் புதுவை, தமிழகத்திலும் வன்னியர் ஆட்சி நடைபெற வேண்டும் தமிழகத்தில் 2016ல் அன்புமணி ராமதாஸ் முதல்வராக வருவார் என்றார்.

நக்கீரன்

வருவார் ஆனா வரமாட்டார்!

இவர் உண்மயிலேயே வன்னிய இன மக்களுக்கு என என்ன செய்தார் சொல்லுங்கள் யாராவது

அன்பு மணி முதல்வராக வருவார், கனவில்.
குரு இப்ப எல்லாம் காமெடி கழக தலைவர் ஆகிட்டீங்களா என்ன?
நல்லாவே காமெடி பண்றீங்க போங்க

2016 ல தானா? நான் என்னவோ இப்போவோன்னு நினச்சு பயந்துட்டேன்

பிளேடு பக்கிரி wrote:2016 ல தானா? நான் என்னவோ இப்போவோன்னு நினச்சு பயந்துட்டேன்

2016 ல இப்படி சொல்லுவார் 2021 ல பாட்டாளி மக்கள் கட்சி ஆட்சின்னு

maniajith007 wrote:

பிளேடு பக்கிரி wrote:2016 ல தானா? நான் என்னவோ இப்போவோன்னு நினச்சு பயந்துட்டேன்

2016 ல இப்படி சொல்லுவார் 2021 ல பாட்டாளி மக்கள் கட்சி ஆட்சின்னு

சரியாக சொன்னீர்கள் போங்கள்

    

Quote : ” 18 புராணங்களில் 9வது புராணம் வன்னியர் புராணம். “


புராணத்தையே மாத்திட்டாங்களா ? இது எப்போ ????????