இரண்டாவது சவப் பரிசோதனை செய்ய மனு தாக்கல்

**சிவா** · **சிவா** Tue Jan 18, 2011 6:19 pm

காலஞ்சென்ற எம். கிருஷ்ணனின் குடும்பத்தாரும் பக்காத்தான் ரக்யாட் பிரதிநிதிகளும் அரசாங்கம் இரண்டாவது தடவையாக அவரின் பிணத்தைப் பரிசோதனை செய்ய வேண்டுமென்று கேட்டுக்கொள்ளும் மனுவை இன்று ஜாலான் டூட்டா நீதிமன்றத்தில் பதிவு செய்தனர்.

போலீஸ் காவலில் இருந்தபோது கிருஷ்ணன் இறந்துபோனார். அவரது மரணத்தில் சூது நிகழ்ந்திருக்கலாம் என்று அவர்கள் நினைக்கிறார்கள்.

செராஸ் எச்யுகேஎம் மருத்துவமனையில் நடைபெற்ற சவப் பரிசோதனைக்குப் பின்னர் அது குடல்புண் அழற்சியால் நேர்ந்த மரணம் என்று அதிகாரப்பூர்வமாகாக முடிவு கட்டப்பட்டது. ஆனால், குடும்ப உறுப்பினர்கள் அவர் போலீசாரால் அடித்துத் துன்புறுத்தப்பட்டிருக்கிறார் என்று கூறுகின்றனர். அக்குடும்பத்தைச் சாராத ஒருவர் கிருஷ்ணன் லாக்-அப்பில் அடிக்கப்பட்டதையும் கீழே தள்ளி மிதிக்கப்பட்டதையும் நேரில் கண்டதாகக் கூறுகிறார். சாட்சியமளிக்கவும் அவர் முன்வந்திருக்கிறார்.

அங்கிருந்த பூச்சோங் எம்பி கோபிந்த் சிங் டியோ, சுயேச்சை தடயவியல் ஆராய்ச்சிக் கழகம் ஒன்று அமைக்கப்பட வேண்டும் என்றார். இரண்டாவது சவப் பரிசோதனை தேவை என்கிறபோது அங்கு அதைச் செய்யலாம் என்றாரவர்.

நீதிமன்றத்திம் மனு தாக்கல் செய்யப்பட்டபோது அங்கு காப்பார் எம்பி எஸ்.மாணிக்கவாசகம், போர்ட் டிக்சன் சட்டமன்ற உறுப்பினர் பி.ரவி, பிகேஆர் உதவித் தலைவர் என்.சுரேந்திரன் முதலியோரும் உடன் இருந்தனர்.

முதல் சவப் பரிசோதனை அக்குடும்பத்தாரின் அனுமதியின்றி செய்யப்பட்டதாக சுரேந்திரன் கூறினார்.

மனுவைப் பதிவுசெய்த காலஞ்சென்ற கிருஷ்ணனின் துணைவியார் பி.ரேவதி, மனுவில் புக்கிட் ஜாலில் போலீஸ் நிலையத் தலைவர், செராஸ் ஓசிபிடி, போலீஸ் படைத் தலைவர், கோலாலம்பூர் மெஜிஸ்ட்ரேட், சட்டத்துறை தலைவர் ஆகியோரை எதிர்வாதிகளாகக் குறிப்பிட்டிருக்கிறார்.

இரண்டாவது சவப் பரிசோதனையை மலாயாப் பல்கலைக்கழக மருத்துவமனையில் டாக்டர் பிரசாந்த் என். சம்பர்கார் செய்ய வேண்டுமென்று அவர் கேட்டுக்கொண்டிருக்கிறார்.

இரண்டாவது சவப்பரிசோதனை அறிக்கையும் முதலில் செய்யப்பட்ட சவப் பரிசோதனையின் அறிக்கையும் தம் வழக்குரைஞர்களிடம் வழங்கப்பட வேண்டும் என்றும் அவர் கோரியுள்ளார்.

அத்துடன் மேலும் சில கோரிக்கைகளையும் அவர் முன்வைத்துள்ளார். போலீஸ் அறிக்கையும் சாட்சிகளின் வாக்குமூலங்களும் அவர்களிடம் ஒப்படைக்கப்பட வேண்டும்,

மரண விசாரணையை குற்றவியல் நடைமுறைச் சட்டம் பகுதி 334-இன்கீழ் மேற்கொள்ள வேண்டும்.

இரண்டாவது சவப் பரிசோதனையின்போது வழக்குரைஞர் ஒருவர் உடன் இருக்க அனுமதிக்க வேண்டும். சட்ட நடவடிக்கைக்கு ஆகும் செலவுகளை எதிர்வாதிகள் ஏற்க வேண்டும்.

மலேசியாஇன்று!http://www.malaysiaindru.com/?p=64029

இரண்டாவது சவப் பரிசோதனை செய்ய மனு தாக்கல்

இரண்டாவது சவப் பரிசோதனை செய்ய மனு தாக்கல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக