மீண்டும் போலி மாத்திரை: 5 பேர் கைது

ஒவிரான், என்ற வலி நிவாரண மாத்திரை சென்னை மற்றும் புறநகர் பகுதிகளில் விற்பனை செய்வதாக மருந்து கட்டுப்பாட்டு துறைக்கு தகவல் கிடைத்தது. இதையடுத்து மருந்து ஆய்வாளர் கண்ணன், சி.பி.சி.ஐ.டி. போலீசில் புகார் செய்தார்.

சி.பி.சி.ஐ.டி. போலீசார் அதிரடி சோதனையில் ஈடுபட்டனர். மதுரவாயல், தாம்பரம், சேத்துப்பட்டு, பாரிமுனை, பகுதிகளில் உள்ள மருந்து கடைகளில் சோதனை நடத்தினர். அப்போது 5 கடைகளில் போலி வலி நிவாரண மாத்திரை விற்பனை செய்தது கண்டு பிடிக்கப்பட்டது.

போலி மாத்திரை விற்ற அவர்களை போலீசார் கைது செய்தனர். மதுரவாயல் சி.எம்.டி.ஏ. காலனியில் உள்ள மருந்து கடை அதிபர் பெருமாள்சாமி (வயது 36), ரவிசேகர் (38) பாரிமுனை நைனியப்பன் நாயக்கர் தெரு, சத்யநாதன் சேத்துப்பட்டு, கனகராஜ், 5. நாகராஜ் கிழக்கு தாம்பரம் கைது செய்யப்பட்ட 5 பேரும் சைதாப்பேட்டை கோர்ட்டில் ஆஜர் படுத்தப்பட்டனர்.

அவர்கள் 15 நாள் நீதிமன்ற காவலில் வைக்கப்படடனர். போலீஸ் விசாரணையில் மருந்து வியாபாரி ரவி சேகர் போலி மாத்திரைகளை ஆந்திராவில் இருந்து வாங்கி விற்றது தெரிய வந்தது. அவர்தான் மற்ற கடைகளுக்கும் வினியோகம் செய்துள்ளார்.

போலி மாத்திரை விற்பனையில் வேறு யார் ஈடுபட்டு இருக்கிறார்கள் என்று விசாரணை நடந்து வருகிறது. சென்னையில் வேறு எங்கெல்லாம் போலி மாத்திரை வினியோகம் செய்யப்பட்டுள்ளது என்ற விவரங்களையும் சேகரித்து வருகிறார்கள். ஆந்திர கும்பலை பிடிக்கவும் போலீசார் திட்டமிட்டுள்ளனர்.

தமிழகம் முழுவதும் போலி மருந்து, மாத்திரை விற்பனை செய்த கும்பலை கடந்த ஆண்டு போலீசார் கைது செய்து நடவடிக்கை எடுத்தனர். மருந்து விற்பனையாளர் மீனாட்சிசுந்தரம் உள்பட 10க்கும் மேற்பட்டோர் கைது செய்யப்பட்டனர். இவர்கள் மீது குண்டர் சட்டமும் பாய்ந்தது குறிப்பிடத்தக்கது.

நக்கீரன்

ஆஹா ,மறுபடியும் கிளம்பிட்டாங்கய்யா

படுபாவிகள்... மருந்திலுமா விளையாட வேண்டும்..?

சோ தன்னுடைய கேள்வி பதில் பகுதியில் கூறியது போல் “கட்சியின் ஆட்சி என்ற போலிப்பெயரில் தமிழகத்தில் ஒரு குடும்பத்தின் ஆட்சி நடைபெறுகிறது. எனவே எல்லாவற்றிலும் போலிகள்தான் கிடைக்கும்.

திருந்தவே மாட்டார்களா? உயிரை காக்கும் மருந்தில் கூட இப்படி செய்கிறார்களே