டிப்ஸ் டிப்ஸ்.....

மஞ்சுபாஷிணி · மஞ்சுபாஷிணி Sat Mar 19, 2011 12:19 am

சிறிய பொருட்களைத் தொங்க விடுவதற்கென, சுவரில் மாட்டக் கூடிய பிளாஸ்டிக் ஸ்டிக்கர், சரியாக ஒட்டாமல் விழுந்து விடுகிறதா? பசை உள்ள பாகத்தை மெழுகுவர்த்தி அல்லது தீக்குச்சித் தணலில் சில விநாடிகள் காட்டிச் சூடானதும், சுவரில் ஒட்டி அரை நிமிடம் அழுத்திப் பிடித்துக் கொள்ளுங்கள். ஸ்டிக்கர் நன்றாக ஒட்டிக் கொண்டுவிடும். மறுநாள் பொருட்களை மாட்டலாம்.

- எஸ்.மேகலா, சென்னை-18

கேஸ் சிலிண்டர் வைப்பதால், தரையில் துரு படிந்து, அந்த இடமே அழுக்காகி விடும். இதற்கு, பெரிய சைஸ் ஸ்டிக்கர் கோலங்களைத் தரையில் ஒட்டிவிட்டு, அதன் மேல் சிலிண்டரை வையுங்கள். சிலிண்டர் மாற்றும்போது கோலத்தை துடைத்துவிடலாம். தேவைப்பட்டால், அந்த ஸ்டிக்கர் கோலத்தை மாற்றிவிட்டு, புதிதாக ஒட்டலாம்.

- எஸ்.ராஜகுமாரி, சென்னை-125

குளிர் மற்றும் மழைக்காலங்களில் துவைத்த துணிகள் உலர்ந்த பிறகும், சில்லென்றிருக்கும். இதைப் போக்க, உலர்த்தி எடுத்த துணிகளை திக்கான போர்வை, கம்பளி அல்லது ஸ்வெட்டரில் சுற்றி, அலமாரியில் வைத்து விடுங்கள். மறுநாள் எடுத்துப் போட்டால்... கதகதவென்று இருக்கும்.

- ஆர்.மங்களம், ஸ்ரீரங்கம்

பண்டிகைக் காலத்தில் வெறும் வெள்ளை மாவில் கலர்ஃபுல்லாக கோலம் போட ஒரு வழி. நாலைந்து கோலக் குழல்களில் பல்வேறு வண்ணங்கள் கலந்த மாவுகளை நிரப்பிக் கோலம் போட்டால், பார்ப்பவர்கள் கண்களைக் கவரும். கலர் பொடியும் அதிகம் செலவாகாது.

- எஸ்.விஜயா, திருவெறும்பூர்

அடை மற்றும் வடை மாவில் தண்ணீர் அதிகமாகிவிட்டால், ஒன்றிரண்டு டீஸ்பூன் கார்ன் ஃப்ளேக்ஸை பொடித்து சேர்த்தால் போதும்... உடனடியாக ஊறி மாவு கெட்டியாவதுடன், சுவையும் அபாரமாக இருக்கும்.

- எஸ்.லதா சரவணன், திருச்சி

நன்றி விகடன்...