தாய்ப்பாலை போன்ற பாலை தரும் பசுக்கள்

**சிவா** · **சிவா** Thu Mar 24, 2011 10:46 am

சீன விஞ்ஞானிகள் தாய்ப்பாலை போன்ற பாலை தரும் 200 பசுக்களை உருவாக்கி உள்ளனர். இந்த பசுக்கள் மரபணு மாற்று தொழில்நுட்பம் மூலம் தாய்ப்பால் போன்ற பாலை தரும். இந்த தகவலை சீன வேளாண் பல்கலைக்கழகத்தில் உள்ள வேளாண் உயிரியல் தொழில் நுட்பத்துக்கான தேசிய பரிசோதனை கூடத்தின் இயக்குநர் லி நிங் தெரிவித்தார். இந்த தொழில்நுட்பம் மூலம் தாய்ப்பாலில் உள்ள ஆரோக்கியமான புரதச்சத்து அனைவருக்கும் கிடைக்கும் என்றும் அவர் தெரிவித்தார்.

தாய்ப்பாலில் நோய் எதிர்ப்பு சக்தியை மேம்படுத்தும் சத்தும், குழந்தைகளின் உடலில் நரம்பு மண்டலத்தை மேம்படுத்தும் சத்தும் உள்ளன. இந்த சத்துக்கள் பசும்பாலிலோ, ஆட்டுப்பாலிலோ கிடையாது என்றும் அவர் தெரிவித்தார். வழக்கமான பசும்பாலை விட இந்த பால் இனிமையாக இருக்கும் என்றும் அவர் கூறினார். இந்த மாற்று தாய்பால் அடுத்த 10 ஆண்டுகளில் அனைத்து சூப்பர் மார்க்கெட்டுகளிலும் கிடைக்கும் என்றும் குறிப்பிட்டார்.