அழகுக் குறிப்புகள் சில..

Jiffriya · Jiffriya Sun Mar 27, 2011 12:20 pm

* பழுத்த வாழைப்பழத்துடன் பால் கலந்து முகத்தில் பூசுங்கள் முகம் பளபளக்கும்.

* பப்பாளி பழம், எலுமிச்சை சாறு கலந்து தடவவும் முகத்துக்கு நல்ல நிறம் கிடைக்கும்.

* ஆரஞ்சு சாறை குளிர்சாதன பெட்டியில் வைத்து கட்டியாக்கி ஒரு வெள்ளை துணியில் கட்டிக்கொண்டு கண்களுக்கு மேல் ஒத்தி எடுக்கவும். கண்கள் குளிர்ச்சியாக இருக்கும்.

* வெள்ளரிக்காய் சாற்றில் முல்தானிமெட்டி, பால் சேர்த்து முகத்தில் பூசி பிற‌கு கழுவி விடவும். வெய்யிலில் கருத்த முகம் பொலிவு பெறும்.

* தர்பூசனி பழச்சாறு, பயற்றமாவு கலந்து முகத்தில் பூசினால் முகம் புதுப்பொலிவு பெறும்.

* தக்காளிப்பழத்தை முகத்தில், கைகளில் தடவி வரவும், கைகள் மிருதுவாக இருக்கும்.

* இப்படி தினமும் ஒரு 10 நிமிடம் நம் அழகுக்காக செலவு செய்தால் வயதானாலும் இளமையாக இருக்கலாம்.

**சிவா** · **சிவா** Sun Mar 27, 2011 1:40 pm

///இப்படி தினமும் ஒரு 10 நிமிடம் நம் அழகுக்காக செலவு செய்தால் வயதானாலும் இளமையாக இருக்கலாம்///

இயற்கை அழகே என்றும் நிரந்தரம்! கண்ட கண்ட கிரீம்களை வாங்கிப் பயன்படுத்தாமல் இதுபோன்று அழகைப் பராமரித்தால் தோலில் சுருக்கங்கள், வாலிப வயதில் வயோதிகத் தோற்றம் (கண்டிப்பாக முரளி இல்லை) போன்றவை ஏற்படாது!

நன்றி ப்ரியா!