சுயமுகவரி

puthuvaipraba · puthuvaipraba Fri Apr 15, 2011 7:34 am

பெண்ணே!
உறுப்பினால்தான் நீ
வேறுபடுகிறாயே தவிர
பிறப்பினால் அல்ல
ஆம்.
ஆணும் பெண்ணும் நிகர்
அதை நீ முதலில் உணர்

உன் வாழ்க்கைச் சக்கரத்தின்
அச்சாணியாய்
ஆணை ஏன் கருதுகிறாய் ?
அவனையே மையமாய் கொண்டு
உன் காலத்தை ஏன் சுழற்றுகிறாய் ?
சொல்.
உனது இயக்கம் ஆணுக்குள்ளா அடக்கம் ?
உன் சுதந்திரம் முழக்க அவனுக்குள்ளா முடக்கம் ?

இதுநாள்வரை நீ
ஒவ்வொரு ஆணுக்கும்
பின்னால் இருந்தது போதும்
இனிவரும் நாளில் நீ
முன்னால்வந்து
முகம் காட்டவேண்டும்.

ஆமாம்.
சுயமாய் செயல்பட பழகு
அதுதான் உன் ஆறாம் அறிவுக்கு அழகு

ஆணின் முகவரியில்
பெண்ணின் பெயர் இருப்பதில்லை
பின் உனது முகவரியில் மட்டும்
ஆடவனின் அடையாளம் எதற்கு ?

சரி.
எப்படியோ வந்துவிட்டது முரண்பாடு
அதன் முதுகெலும்பை முரித்துவிட போராடு

பெண்ணே!
உடனே உணர்ந்து செயல்படு
உன் நிலை சமூகத்தில் மாறும்
சுயமாய் செயல்பட துணிந்திடு
உன் தலையில் கிரீடம் ஏறும்.

-புதுவைப் பிரபா -

puthuvaipraba · puthuvaipraba Fri Apr 15, 2011 9:51 pm

73 பேருக்குமேல படிச்சிருக்காங்க.ஆனா ஒரு பாராட்டும் இல்ல, திட்டும் இல்ல. . . சுயமுகவரி 502589

கலைவேந்தன் · கலைவேந்தன் Fri Apr 15, 2011 9:57 pm

சுயம் தொலைத்த மகளிரின் சார்பான முழக்கம் அருமை பிரபா.. பாராட்டுகள்..! சூப்பருங்க

puthuvaipraba · puthuvaipraba Fri Apr 15, 2011 10:08 pm

அப்பா... கலை சார் என் நெஞ்சுல பால வார்த்திங்க. மிக்க நன்றி. நான் அடுத்த கவிதை எழுதப்போறேன் சுயமுகவரி 68516

இரா.எட்வின் · இரா.எட்வின் Fri Apr 15, 2011 10:12 pm

இதற்கெல்லாம் தயங்கவே கூடாது. தொடர்ந்து எழுதுங்கள். நிறைய வாசிப்பதும் , எழுத எடுத்துக் கொண்ட விஷயத்தில் கவனம் குவிப்பதும் மீண்டும் மேண்டும் செப்பனிடுவதும் மிளிரச் செய்யும்.