தமிழ் சினிமா நடிகரும் பிரபல மேஜிக் நிபுணருமான அலெக்ஸ் சென்னையில் நேற்று (01-05-11) காலமானார். அவரது மறைவுக்கு திரையுலகை சேர்ந்த பலரும் இரங்கல் தெரிவித்துள்ளனர். தொடர்ந்து 24 மணி நேரம் மேஜிக் நிகழ்ச்சி நடத்தி கின்னஸ் சாதனை படைத்த நடிகர் அலெக்ஸ், முன்னாள் ஜனாதிபதி அப்துல் கலாமால் பாராட்டப்பட்டவர்.

திருச்சி துரைசாமிபுரத்தை சேர்ந்த இவர் வள்ளி படத்தின் மூலம் தமிழ் சினிமாவுக்கு அறிமுகமானார். தொடர்ந்து மிட்டா மிராசு, கோவில்பட்டி வீரலட்சுமி உள்ளிட்ட பல்வேறு படங்களில் நடித்துள்ள இவர் தமிழ்சினிமாவில் வித்தியாசமான வில்லன் மற்றும் குணச்சித்திர கேரக்டர்களில் நடித்து புகழ் பெற்றவர். உடல்நலக்குறைவு காரணமாக கடந்த ஒரு வாரமாக சென்னையில் உள்ள தனியார் மருத்துவமனையில் அனுமதிக்கப்பட்டிருந்த அலெக்ஸ் இன்று மாலை 4.30 மணியளவில் காலமானார்.
tmt

இதுபற்றி கேள்விப்பட்ட திரையுலக நண்பர்கள் பலரும் மருத்துவமனைக்கு விரைந்து சென்று அலெக்ஸின் மறைவுக்கு இரங்கல் தெரிவித்தனர். அலெக்சிற்கு சொந்த ஊரான திருச்சியில் இறுதிச் சடங்குகளை செய்ய உறவினர்கள் முடிவு செய்துள்ளனர். நாளை திருச்சியில் இறுதிசடங்குகள் நடைபெறும் என்று அறிவிக்கப்பட்டுள்ளது.

நடிகர் அலெக்ஸ் கடந்த ஆண்டு திருச்சியில் பொதுமக்கள் முன்னிலையில் தொடர்ந்து 24 மணி நேரம் மேஜிக் நிகழ்ச்சியை நடத்தி கின்னஸ் சாதனை படைத்தார். அதற்கு முன்பு, 600 மாணவர்கள் மத்தியில் தொடர்ந்து 12 மணி நேரம் மேஜிக் செய்ததற்காக லிம்கா புத்தகத்தில் இடம்பெற்றார். இலங்கையில் நடத்திய மேஜிக் நிகழ்ச்சிக்காக அங்குள்ள திறந்தவெளி பல்கலைக்கழகம் அலெக்சுக்கு 2004ம் ஆண்டுக்கான அல்பிரட் நோபல் பரிசை வழங்கி கவுரவித்துள்ளது. அமெரிக்க பல்கலைக்கழகம் அலெக்சுக்கு டாக்டர் பட்டம் வழங்கியிருக்கிறது. அபுதாபியில் நடந்த விழாவில் அலெக்சுக்கு செவாலியே விருதும் வழங்கப்பட்டிருக்கிறது. இதுதவிர ஏராளமான பட்டங்கள் மற்றும் விருதுகளுக்கு சொந்தக்காரராக இருந்த அலெக்ஸின் மறைவு அவரது குடும்பத்தாருக்கு மட்டுமல்ல… லட்சக்கணக்கான ரசிகர்களுக்கும் பேரிழப்பாகும்.

நடிகராக வெள்ளித்திரையில் பளிச்சிட்டாலும், மேஜிக்கில் ஏராளமான சாதனைகளை படைத்த அலெக்சுக்கு கரகாட்டம், மயிலாட்டம், சிலம்பம், மல்யுத்தம், நாடகம் என பல துறைகளில் ஆர்வம் இருந்தது குறிப்பிடத்தக்கது.

அன்னாரது ஆன்மா அமைதிபெற இறைவனை பிரார்த்தனை செய்கிறேன் .

நல்ல நகைச்சுவை நடிகர் இவர்..... இவரது இழப்பு வருத்தத்திற்குரியது தான்.......

இவரது ஆத்மா சாந்தி அடைய இறைவனை பிரார்திப்போம்

இவரது ஆத்மா சாந்தி அடைய இறைவனை பிரார்திப்போம்

மிகவும் வருத்தமான செய்திதான்

இவரது ஆத்மா சாந்தி அடைய இறைவனை பிரார்திப்போம்

இவரது ஆத்மா சாந்தி அடைய என் பிரார்த்தனைகள்

அவருக்கு என் கண்ணீர் அஞ்சலி

வருத்தமான செய்தி ......

இவர் வில்லன் கதாபாத்திரதில் கூட நல்ல நடிப்பை காட்டினார்!

இவருடைய பின் புலம் பிற்றி எனக்கு எதுவும் தெரியாது. ஆனால் திருச்சிராப்பள்ளி மாநகரில் , அறிஸ்டோ வளைவு அருகே கோடை கால தண்ணீர் பந்தலை வருடம் தோறும் கோடை காலத்தில் துவக்கி விடுவார். நான் போன வாரம் கூட அதை கண்டேன். நான் பல முறை அதில் மோர் பருகி இருக்கிறேன். அதை நான் நன்றியுடன் நினைவு கூறுகிறேன். அவருடைய ஆன்மா சாந்தி அடையட்டும்...

பாவம், நல்ல மனுஷன்.
வில்லனாவும் நடிப்பாரு, குணசித்திரமாவும் நடிப்பாரு..பொயிட்டாரே!

அறிமுக நாயகன் wrote:இவருடைய பின் புலம் பிற்றி எனக்கு எதுவும் தெரியாது. ஆனால் திருச்சிராப்பள்ளி மாநகரில் , அறிஸ்டோ வளைவு அருகே கோடை கால தண்ணீர் பந்தலை வருடம் தோறும் கோடை காலத்தில் துவக்கி விடுவார். நான் போன வாரம் கூட அதை கண்டேன். நான் பல முறை அதில் மோர் பருகி இருக்கிறேன். அதை நான் நன்றியுடன் நினைவு கூறுகிறேன். அவருடைய ஆன்மா சாந்தி அடையட்டும்...

அறிஸ்டோ ஹோட்டேல் மட்டும் இல்ல பிரபு, வேளாங்கண்ணி வரை வரிசையாக இவரது தண்ணீர் பந்தல் தாகம் தீர்த்தது.இனி யார் இவரது சேவைய தொடருவார்களோ
இவரது பின்புலம் பற்றி நான் சொல்ல விரும்பவில்லை.அந்த பின்புலத்தையும் தாண்டி இவர் செய்த நல்ல செயல்கள் மட்டுமே திருச்சி வாழ் மக்கள் அறிவார்.

@உதயசுதா wrote:

அறிமுக நாயகன் wrote:இவருடைய பின் புலம் பிற்றி எனக்கு எதுவும் தெரியாது. ஆனால் திருச்சிராப்பள்ளி மாநகரில் , அறிஸ்டோ வளைவு அருகே கோடை கால தண்ணீர் பந்தலை வருடம் தோறும் கோடை காலத்தில் துவக்கி விடுவார். நான் போன வாரம் கூட அதை கண்டேன். நான் பல முறை அதில் மோர் பருகி இருக்கிறேன். அதை நான் நன்றியுடன் நினைவு கூறுகிறேன். அவருடைய ஆன்மா சாந்தி அடையட்டும்...

அறிஸ்டோ ஹோட்டேல் மட்டும் இல்ல பிரபு, வேளாங்கண்ணி வரை வரிசையாக இவரது தண்ணீர் பந்தல் தாகம் தீர்த்தது.இனி யார் இவரது சேவைய தொடருவார்களோ
இவரது பின்புலம் பற்றி நான் சொல்ல விரும்பவில்லை.அந்த பின்புலத்தையும் தாண்டி இவர் செய்த நல்ல செயல்கள் மட்டுமே திருச்சி வாழ் மக்கள் அறிவார்.

ஆமாம் அக்கா ..