தயவு செய்து என்னைத் தொல்லை செய்

**சிவா** · **சிவா** Tue May 24, 2011 4:52 pm

தயவு செய்து என்னைத் தொல்லை செய்

தயவு செய்து
என்னைத் தொல்லை செய்
தயவு செய்து
என்னைக் கொள்ளையடி

கழுத்தடியில்
ஒரு செல்லக்கடி கடி

கூந்தல் கலைத்துப்
பூக்களை உதிர்த்துவிடு
ஓடிப்பிடித்தென்னை
உருக்குலைத்துப் போடு

குளித்துவரும் என்னை
மீண்டும் அழுக்காக்கு

எதிர்பாரா இடத்தில்
என்னைத் தீண்டு
எவ்வளவு இயலுமோ
அவ்வளவு தழுவு

எங்கே என் உயிரென்று
கண்டுபிடி
அதன் இடவலம் தொடு

இதுதான்
இதுதான் நான் கேட்டது
உதட்டு எச்சிலால் என்
உடல் பூசு
முத்தமிட்டு என்
மூச்சை நிறுத்து

இது ஒன்றும்
ஒரு வழிப்பாதையல்ல
என் பங்கு செலுத்த
எனக்கும் இடம்கொடு

அங்கங்கே பரவு
எலும்பில் மஜ்ஜைகளில் ஊடுருவு
மார்பகப் பள்ளத்தில்
முகம் வைத்து மூச்சுவிடு

மேகங்களுக்கிடையில்
நட்சத்திரம் தூங்கினாலும்
இலைகளுக்கிடையில்
காற்று தூங்கினாலும்
என் கண்கள் உனக்காக
இரவெல்லாம் விழித்திருக்கும்
உனகில்லாத உரிமையா

பூனையின் பாதம் பொருத்திப்
பொசுக்கென்று வந்து
புடைவையிழு
தீவிரத்தால் என்னைத்
திணறவை

என்னைத் தூண்டிவிட்டு
எங்கேனும் ஒளிந்து கொண்டு
நித்தமொரு தடவை
என்னை அழவை

என் பெண்மையின்
பரிபூரணமே
என் வெற்றிடம் வழிய
நிறைந்த நிறைவே

தாழாத தனங்கள்
தாழ்ந்தன உனக்காக
ஆகாய கங்கை
பாய்ந்தது உனக்காக

வா
என்னை வலிசெய்
உயிர் பருகி ஒலிசெய்

என்னுயிர் பயிராகும்
நீ பல் பதித்த பள்ளத்தில்
எனக்குள்ளே பூப்பொழியும்
நீ முட்டும் அதிர்வில்

உன் நகர்தலுக்காகத்
துடிக்குதென் ஆடை
உன் நகம் கிழிக்க
வீங்குதென் மார்பு

தொட்டுக் கொண்டுறங்கும்
சுகமொன்று கருதி
உடலென்ற உலையில்
கொதிக்குதென் குருதி

நீ தந்த சுகமெல்லாம்
நெற்றியில் தீயெரியும் தியானத்தில் வந்ததில்லை
வில்லாய் விறைக்கும் கலவியில் கண்டதில்லை
பிரசவம் முடிந்த பெருமூச்சில் கொண்டதில்லை.

எங்கே மீண்டுமொரு முறை
முந்தானைக்குள் புகுந்து
முயல்குட்டியாகு

தட்டாதே
தாய் சொல்லைக்கேள்
பத்துமாதம் என் வயிறுசுமந்த
பிஞ்சுப் பிரபஞ்சமே

கவிப்பேரரசு வைரமுத்து

பாலாஜி · பாலாஜி Tue May 24, 2011 4:54 pm

நல்லயிருக்கு..

ஹாசிம் · ஹாசிம் Tue May 24, 2011 4:57 pm

வாவ் வாவ் அருமையான பகிர்வண்ணா நன்றி
சுவை பகிர்ந்த உணர்வு பெற்றேன் நல்லதொரு கவிதை

**உமா** · **உமா** Tue May 24, 2011 5:03 pm

தயவு செய்து என்னைத் தொல்லை செய் 224747944

**சிவா** · **சிவா** Tue May 24, 2011 5:20 pm

இக்கவிதை வரிகளை வைரமுத்துவின் குரலில் கேட்க இங்கு அழுத்துங்கள்!

மஞ்சுபாஷிணி · மஞ்சுபாஷிணி Tue May 24, 2011 5:24 pm

ஆஹா ஆஹா தாய்மையின் பேரானந்தத்தை முழுமையாய் உணர்ந்து அனுபவித்து எழுதிய வரிகள் வைரமுத்துவின் முத்தான கவிதைகள் இங்கு வைரமாக மின்னுகிறது....

அன்பு நன்றிகள் சிவா பகிர்வுக்கு...