உயிருடன் இருந்த நோயாளியை பிண அறையில் தள்ளிய டாக்டர்

ரஞ்சித் · ரஞ்சித் Thu Jun 23, 2011 4:18 pm

நாய் கடிக்கு சிகிச்சை பெற வந்தவரை இறந்து விட்டதாக கூறி பிண அறைக்கு அனுப்பிய டாக்டர் மீது மந்திரி நடவடிக்கை எடுத்து மீட்டார். கர்நாடக மாநிலம் பெல் காம் மாவட்டம் சங்கேஸ்வர் என்ற இடத்தைச் சேர்ந்தவர் நாராயண் ராமு (வயது 51). இவரை வெறி நாய் கடித்து விட்டது. உடனடியாக கவனிக்காமல் விட்டதால் உடலில் விஷம் ஏறி உடல் நலம் குன்றினார்.

இதையடுத்து உறவினர்கள் அவரை பெல்காம் மாவட்ட அரசு ஆஸ்பத்திரியில் சேர்த்தனர். அவரை டாக்டர் பட்டீல் பரிசோதித்து சிகிச்சை அளித்தார். அவரது மருத்துவ அறிக்கையில் நாராயண் ராமுவின் சேர்க்கை தேதியை இடம் மாறி இறந்த தேதியை குறிப்பிடும் இடத்தில் டாக்டர் எழுதி விட்டார். இதனால் ஆஸ்பத்திரி ஊழியர்கள் அவரை இறந்து விட்டதாக கருதி பிண அறைக்கு கொண்டு சென்று பூட்டி வைத்து விட்டனர்.

அவரைப் பார்க்க வந்த மனைவி சாந்தா மற்றும் உறவினர்கள் உயிரோடு இருந்தவரை பிண அறைக்கு அனுப்பியதை கேள்விப்பட்டு அதிர்ச்சி அடைந்தனர். இதுகுறித்து மந்திரி ராமதாசிடம் புகார் செய்தனர்.

இதையடுத்து அவர் ஆஸ்பத்திரிக்கு சென்று திடீர் சோதனையிட்டார். அப்போது உயிரோடு இருக்கும் நாராயண் ராமுவை பிண அறைக்கு அனுப்பியதை கண்டு பிடித்தார். உடனே ஊழியர்கள் பிண அறையில் இருந்த நாராயண்ராமுவை வெளியே கொண்டு வந்தனர். உயிரோடு இருப்பவரை இறந்ததாக அனுப்பிய சம்பவம் ஆஸ்பத்திரியில் பெரும் பரபரப்பை ஏற்படுத்தியது.

இதுபற்றி விசாரித்து 3 நாளில் அறிக்கை கொடுக்குமாறு மாவட்ட கலெக்டருக்கு மந்திரி உத்தரவிட்டார். டாக்டர் பட்டீல் நீண்ட கால விடுப்பில் செல்ல உத்தரவிடப்பட்டுள்ளது.

மாலை மலர்

உஷாரா இருங்கப்பா அய்யோ, நான் இல்லை