தங்கை திருமணத்துக்கு அழைக்காத சித்திக்கு சரமாரி அரிவாள் வெட்டு: போலீசில் வாலிபர் சரண்

மீனு · மீனு Tue 15 Sep 2009 - 14:04

தங்கை திருமணத்துக்கு அழைக்காத சித்திக்கு சரமாரி அரிவாள் வெட்டு விழுந்தது. போலீசில் வாலிபர் சரணடைந்தார். இச்சம்பவம் பெரும் பரபரப்பை ஏற்படுத்தி உள்ளது.

பல்லாவரம் துரைகண்ணு சாலையை சேர்ந்தவர் காளமேகம். பூந்தமல்லி கோர்ட்டில் அமினாவாக பணியாற்றி வருகிறார். இவரது மனைவி விஜயா (50). மகள் சந்தியா. காளமேகத்தின் அண்ணன் வெங்கடேசன் இறந்து விட்டதால் அவரது மகன் முருகவேல் (37), காளமேகம் வீட்டில் வசித்து வந்தார். அவரது நடத்தை சரியில்லாததால் அவரை வீட்டை விட்டு வெளியே அனுப்பினார் விஜயா.

இந்நிலையில் சந்தியாவுக்கு திருமணம் நிச்சயிக்கப்பட்டது. செப். 14-ம் தேதி (இன்று) திருமணம். அதற்காக உறவினர்களுக்கு அழைப்பிதழ் கொடுக்கப்பட்டு வந்தது. முருகவேலுக்கு கடந்த இரு தினங்களுக்கு முன்புதான் அழைப்பிதழ் கொடுக்கப்பட்டது. இவ்வளவு நாளும் அவர்களுடன் இருந்த தன்னை நிச்சயத்துக்கு அழைக்க வில்லை. பத்திரிகை கூட இரு தினங்களுக்கு முன்புதான் தந்துள்ளனர் என்று கோபத்தில் இருந்தாராம் முருகவேல்.

இந்நிலையில் நேற்று கடைக்கு சென்று வீட்டுக்கு வந்து கொண்டிருந்தார் விஜயா. அப்போது அந்த வழியாக வந்த முருகவேல், மறைத்து வைத்திருந்த அரிவாளை எடுத்து விஜயாவை சரமாரியாக வெட்டி விட்டு தப்பி ஓடினார். பலத்த காயம் அடைந்த அவர் உயிருக்கு போராடிக் கொண்டிருந்தார். அக்கம் பக்கத்தினர் ஓடி வந்து அவரை காப்பாற்றி குரோம்பேட்டையில் உள்ள தனியார் மருத்துவமனையில் சேர்த்தனர்.

இதற்கிடையில் தப்பி ஓடிய முருகவேல் மடிப்பாக்கம் போலீசில் சரணடைந்தார். பல்லாவரம் போலீசார் வழக்கு பதிந்து விசாரித்து வருகின்றனர்.
இந்நிலையில் சந்தியாவுக்கு இன்று திருமணம் நடந்தது.

தங்கை திருமணத்துக்கு அழைக்காத சித்திக்கு சரமாரி அரிவாள் வெட்டு: போலீசில் வாலிபர் சரண்

தங்கை திருமணத்துக்கு அழைக்காத சித்திக்கு சரமாரி அரிவாள் வெட்டு: போலீசில் வாலிபர் சரண்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக