அசாமில் வெள்ளம்:1 லட்சம் மக்கள் தத்தளிப்பு

**இளமாறன்** · **இளமாறன்** Sun Jul 17, 2011 1:31 pm

தேஜ்பூர் : அசாம் மற்றும் அருணாச்சல பிரதேசம் ஆகிய மாநிலங்களில் கடந்த 2
நாட்களாக பெய்து வரும் கனமழை காரணமாக அப்பகுதியில் உள்ள நதிகளில் கடும்
வெள்ளப் பெருக்கு ஏற்பட்டுள்ளது. இதில் சோனிட்பூர், லக்கிம்பூர், தீமாஜி
உள்ளிட்ட மாவட்டங்களில் உள்ள 105க்கும் அதிகமான கிராமங்கள் நீரில் மூழ்கி
உள்ளன. சுமார் 1.50 லட்சம் மக்கள் நீரில் தத்தளித்து வருகின்றனர். இந்த
மாநிலங்களில் உள்ள நதிகளின் குறுக்கே கட்டப்பட்டுள்ள அணைகள் பல ஆண்டுகளாக
சீரமைக்கப்படாததே இத்தகைய மாபெரும் பாதிப்பை ஏற்படுத்தி உள்ளதாக
தெரிவிக்கப்பட்டுள்ளது. சுமார் 20 ஆயிரம் ஹெக்டேர் விளைநிலங்கள்
முற்றிலுமாக நீரில் மூழ்கி உள்ளன. வெள்ள நீரில் அடித்துச் செல்லப்பட்ட 4
பேரை தேடும் பணி தீவிரமாக நடைபெற்று வருகிறது. வெள்ளம் பாதிக்கப்பட்ட
பகுதிகளில் மீட்புப் பணிகளும் முழுவீச்சில் நடைபெற்று வருகிறது.