என் மகன்

by பார்த்திபன் on Mon Aug 08, 2011 8:47 pm

First topic message reminder :

என் இரண்டரை வயது இலக்கியமே!
என்னுள் இரண்டறக் கலந்த இளந்தளிரே!
கடவுள் வடித்த காவியமே!
என் உயிர்கொண்டு வரைந்த ஓவியமே!
எனை அப்பா என்றழைக்கும் அற்புதமே!
அப்பழுக்கில்லா பொற்குடமே!
என் கரம் பிடித்து நடக்கும் கற்கண்டே!
நான் வரம் வாங்கிப் பெற்ற பொன்வண்டே!
குறும்போடு திரியும் குரும்பாடே!
என் குலம் தழைக்க வந்த குறிஞ்சி மலரே!
மழழை எனும் மகுடி கொண்டு மயக்கமூட்டுவாய்!
மயிலிறகாய் மனதை வருடி மகிழ்ச்சியூட்டுவாய்!
உணவூட்ட உடன்படாது உதறி ஓடுவாய்!
உன் காதினிக்கக் கதைகள் கேட்டே கண்கள் மூடுவாய்!
தொலைக்காட்சி காணும்போது தொல்லைகள் செய்வாய்!
என் தொடை மிதித்துத் தோளேறித் தொங்கி ஆடுவாய்!
நான் அலுவலகம் செல்லும்போது அழுது தேம்புவாய்!
அலுப்புடன் நான் திரும்பும்போது அனைத்துத் தேற்றுவாய்!
புண்ணான மனமும் உன் புன்னகையால் ஆறும்!
புயல் போன்ற கோபத்தையும் உன் பூ முத்தம் மாற்றும்!

-நிலவை.பார்த்திபன்

by **சார்லஸ் mc** on Sat Jan 21, 2012 3:35 pm

by **பிஜிராமன்** on Sat Jan 21, 2012 3:38 pm

அருமையான கவிதையால் தங்கள் மகன் மீது தாங்கள் கொண்டுள்ள பாசத்தை காட்டியமைக்கு நன்றிகள்........என் வாழ்த்துகளையும் உங்கள் மகன் காதில் ஓதி விடுங்கள்......... மகிழ்ச்சி

by **உமா** on Sat Jan 21, 2012 3:40 pm

இவ்வளவு அருமையான கவிதைகள் கண்ணில் படமால் போய்விட்டதே....நல்ல வரிகள் பார்த்திபன் அவர்களே. சூப்பருங்க

.

by **ரா.ரா3275** on Sat Jan 21, 2012 4:06 pm

பிள்ளை பெற்றவன் எல்லோரும்
பெரும் வரம் பெற்றவன்
பிள்ளைக்காகக்
கவிதைப் பெற்றவன்
கவிதைக்காகப் பிள்ளைப்
பெற்றவன்
இருவருமே பெறுபெற்றோர்
நீங்கள் இரண்டையும்
பெற்றவர் பார்த்திபன்...
வாழ்த்துகள்...

by பார்த்திபன் on Sat Jan 21, 2012 4:52 pm

இதமான உங்கள் வாழ்த்துகளுக்கு இனிப்பில் ஊறிய நன்றிகள்!

ஈகரை தமிழ் களஞ்சியம்

என் மகன்

என் மகன்

Re: என் மகன்

Re: என் மகன்

Re: என் மகன்

Re: என் மகன்

Re: என் மகன்