இது கம்மல் அல்ல காதல்!

by பார்த்திபன் on Fri Aug 12, 2011 1:32 pm

First topic message reminder :

வலிய வந்து பழகி எந்தன் வலியனைத்தும் துடைத்தாய்!
விழியழகை வைத்தே எனை விடிய விடிய வதைத்தாய்!

சிரிப்பு எனும் சிதை மூட்டி என் சின்ன இதயம் சிதைத்தாய்!
கள்ளிக்காடாய் கிடந்த நெஞ்சில் காதல் விதையை விதைத்தாய்!

கணவன் என்றால் நீதான் என்று காதின் ஓரம் கதைத்தாய்!
காதல் கணைகள் கண்ணில் தொடுத்து கனவை என்னுள் வளர்த்தாய்!

மீசை விலக்கி முத்தம் தந்து மீண்டும் தரவா என்றாய்!
மீனைக் கொத்தும் பறவை போல மனதைக் கொத்தித் தின்றாய்!

திங்களிரண்டு கடந்தபின்பு திசையை மாற்றிப் பறந்தாய்!
திரண்டு வந்த வெண்ணைத் தாழி திடீரென்று உடைத்தாய்!

சீமை மாமன் திரும்பிவர சீக்கிரம் என்னை மறந்தாய்!
சீனச் சுவராய் வளர்த்த கனவை சீட்டுக்கட்டாய் சரித்தாய்!

காதலன் என்னைக் கைவிட நினைத்த காரணத்தைக் கூறு!
காசைப் பார்த்துப் பாசம் வந்தால் அது காதல் அல்ல வேறு!

அணைத்தவளே அறுத்ததனால் அடிமனதில் கீறல்!
நீ நினைக்கும்போது கழற்றிவிட இது கம்மல் அல்ல காதல்!

நிலவை.பார்த்திபன்

by பார்த்திபன் on Sat Jan 21, 2012 4:55 pm

நன்றி நண்பரே!

by சதாசிவம் on Sat Jan 21, 2012 6:36 pm

நீண்ட நாட்கள் பிறகு ஒரு புல் மீல்ஸ் சாப்பிட்டது போல் இருந்தது உங்கள் கவிதை.
வார்த்தை கோர்ப்பு அருமை.
இன்றைக்கு காதல் இப்படி தான்,

by பார்த்திபன் on Sat Jan 21, 2012 8:05 pm

மிக்க நன்றி திரு.சதாசிவம்.

இன்னிசை வெண்பா

அற்புதமாய் உள்ளதுங்கள் அன்புடைந்த இக்கவிதை
சொற்பதங்கள் சேர்த்தெடுத்துச் சொல்லியதும் சீராகும்
பற்பலவாம் பூக்களிடம் பாய்ந்தோடும் பொன்வண்டாய்
தற்பொழுது பெண்களுமே தான்

என் வாழ்த்துக்கள் பார்த்திபன் மகிழ்ச்சி

என் வாழ்த்துக்கள் பார்த்திபன். நீங்களும் பெங்களூரு தானா, எந்த இடம்? மகிழ்ச்சி

by பார்த்திபன் on Sat Jan 21, 2012 9:17 pm

நன்றி டாக்டர். நான் பெங்களூரில் சி.வி.ராமன் நகரில் வசிக்கிறேன். தாங்கள்?

பார்த்திபன் wrote:நன்றி டாக்டர். நான் பெங்களூரில் சி.வி.ராமன் நகரில் வசிக்கிறேன். தாங்கள்?

நான் சஞ்சய் நகரில், (கெப்பாள் - கங்கா நகர் அருகில்) வசிக்கிறேன் மகிழ்ச்சி

by **பிஜிராமன்** on Sat Jan 21, 2012 9:45 pm

மிகவும் அருமையான கவிதை பார்த்திபன் அவர்களே..... மகிழ்ச்சி

by பார்த்திபன் on Sat Jan 21, 2012 9:57 pm

பிஜிராமன் wrote:மிகவும் அருமையான கவிதை பார்த்திபன் அவர்களே.....

நன்றி தோழரே!

ஈகரை தமிழ் களஞ்சியம்

இது கம்மல் அல்ல காதல்!

இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!

Re: இது கம்மல் அல்ல காதல்!