மாலைநேர சிற்றுண்டிகள் ! - மங்களூர் போண்டா !

**krishnaamma** · **krishnaamma** Sun Aug 14, 2011 5:11 pm

First topic message reminder :

இந்த திரி இல் மாலைநேர சிற்றுண்டிகள சிலவற்றை பார்போம். மழைக்காலங்களிலும் , மாலை நேரங்களி லும் ஏதாவது 'கர கர 'வென சாப்பிட வேண்டும் போல இருக்கும். அந்த நேரங்களில் இதைப்போல செய்து சாப்பிடலாம் புன்னகை

உங்களுக்கு தெரிந்த சிற்றுண்டிகளையும் நீங்கள் இங்கு பகிரலாம் புன்னகை

மாலைநேர சிற்றுண்டிகள் ! - மங்களூர் போண்டா ! - Page 9 JirE768ZT5y9rnLMypJk+5esm(1)

யினியவன் · யினியவன் Thu Oct 11, 2012 2:17 pm

சாத பக்கோடான்னு தலைப்ப பார்த்து நான் இது
நமுத்துபோனதுன்னு நெனச்சுட்டேன்ம்மா...

**krishnaamma** · **krishnaamma** Thu Oct 11, 2012 2:23 pm

தேவையானவை :

சேமியா ஒரு கப்
அரிசி மாவு 1 / 2 கப்
பச்சை மிளகாய் 4 - 5
மிளகாய் பொடி கொஞ்சம்
உப்பு
எண்ணெய்

செய்முறை :

சேமியாவை ஒரு பதினைந்து நிமிடம் வெதுவெதுப்பான நீரில் ஊற வைக்கவும்.
பிறகு அதில் மற்ற சாமான்களை போட்டு நன்கு பிசையவும்.
வாணலி இல் எண்ணெய் விட்டு கலந்த மாவை எடுத்து பகோடாக்கள் போடவும்.
நல்ல பவுன்கலரில் எடுக்கவும்.
நல்ல கரகரப்பான பக்கோடாக்கள் ரெடி.

**krishnaamma** · **krishnaamma** Thu Oct 11, 2012 2:24 pm

யினியவன் wrote:சாத பக்கோடான்னு தலைப்ப பார்த்து நான் இது
நமுத்துபோனதுன்னு நெனச்சுட்டேன்ம்மா...

இல்லை இனியவன், இது நல்ல crisp ஆக இருக்கும். முயன்று பாருங்களேன் புன்னகை

யினியவன் · யினியவன் Thu Oct 11, 2012 2:29 pm

நம்பிக்கை தான் வாழ்க்கைம்மா - நம்பிட்டேன். புன்னகை

**krishnaamma** · **krishnaamma** Thu Oct 11, 2012 2:38 pm

தேவையானவை :

முழு உளுந்து ஒரு கப்
நாலைந்து பச்சை மிளகாய்கள்
உப்பு
கொத்துமல்லி கொஞ்சம்
கறிவேப்பிலை கொஞ்சம்
இஞ்சி துருவல் கொஞ்சம்
பெருங்கயப்பொடி கால் ஸ்பூன்
பொரிக்க எண்ணெய்

செய்முறை :

உளுந்தை நன்கு களைந்து ஒரு அரை மணி ஊறவைக்கவும்.
பிறகு கிரைண்டர் இல் நன்கு 'பொங்க பொங்க' அரைக்கவும்.
மட்டாக தண்ணீர் விடனும்.
பிறகு அதில் நன்கு பொடியாக நறுக்கின பச்சை மிளகாய், பெருங்காயம், துருவின இஞ்சி, உப்பு , கறிவேப்பிலை கொத்துமல்லி போட்டு கலக்கவும்.
வாணலி இல் எண்ணெய் விட்டு வடைகளாக தட்டிப்போடவும்.
ஒருபுறம் நன்கு வெந்ததும், மறுபுறம் திருப்பி போடவும்.
நன்கு பொரிந்ததும் எடுத்து எண்ணெய் யை வடிய விடவும்.
பிறகு தேங்காய் சட்னி யுடன் பரிமாறவும்.

குறிப்பு: தேவையானால் பச்சை மிளகாய்க்கு பதில் சிவப்பு மிளகாய் உபயோகிக்கலாம்
தேவையானால் வெங்காயம் அல்லது முட்டை கோஸ் துருவி போட்டும் வடை தட்டலாம்.
ஒருவேளை மாவில் தண்ணீர் அதிகமகிவிட்டதாக தோன்றினால் கொஞ்சம் அரிசி மாவு போடலாம் அல்லது கொஞ்சம் பாம்பே ரவா போடலாம்.ஆனால் ரொம்ப போடாதிங்கோ, வடை 'கல்லு' மாதிரி ஆகிவிடும்

**krishnaamma** · **krishnaamma** Thu Oct 11, 2012 2:39 pm

யினியவன் wrote:நம்பிக்கை தான் வாழ்க்கைம்மா - நம்பிட்டேன்.

என்ன இனியவன் பதிலே காணும்? புன்னகை

**krishnaamma** · **krishnaamma** Tue Dec 10, 2013 8:58 pm

**krishnaamma** · **krishnaamma** Wed Jun 24, 2015 1:12 am

சக்கர் பாரா - ஸ்வீட் மைதா சிப்ஸ்

தேவையானவை:

மைதா மாவு - 2 கப்,
நெய் - 1/4 கப்,
சர்க்கரை - 2 கப்,
பொரிக்க எண்ணெய் - தேவையான அளவு,
உப்பு - 1/2 சிட்டிகை

செய்முறை:

நெய்யுடன் மைதாவை பிசையவும்.
இது ரவை மாதிரி வரும் போது உப்பு சேர்த்து சிறிது தண்ணீர் விட்டு சப்பாத்தி மாவு பதத்தில் பிசைந்து 20 நிமிடம் மூடி வைக்கவும்.
பின் மாவை மெல்லிய சப்பாத்தியாக இட்டு விருப்பமான வடிவத்தில் அல்லது டைமண்ட் வடிவத்தில் கட் செய்து வைத்துக் கொள்ளவும்.
வாணலி இல் எண்ணெய் வைத்து , அது சூடானதும், வெட்டி வைத்த சிப்ஸ்களை போட்டு பொன்னிறமாக பொரித்து எடுக்கவும்.
பின் வேறு ஒரு வாணலி அல்லது உருளி il சர்க்கரையை போட்டு அது மூழ்கும் அளவு தண்ணீர் விட்டு அடுப்பில் வைத்து கம்பி பதத்தில் பாகு காய்ச்சவும்.
பொரித்த சிப்ஸ் களை பாகில் போட்டு நன்றாக கிளறி இறக்கவும் .

குறிப்பு: பாகில் சிறிது ஏலக்காய் தூள் சேர்க்கலாம்.

**krishnaamma** · **krishnaamma** Wed Jun 24, 2015 1:18 am

நமக் பாரா - மைதா கார சிப்ஸ்

தேவையானவை:

மைதா-1 கப்,
உடைத்த மிளகு பொடி -1/2 டீஸ்பூன்,
வெண்ணெய் அல்லது நெய் -2 டீஸ்பூன்,
கருப்பு சீரகம் (அல்லது) சீரகம்-சிறிது,
உப்பு, எண்ணெய்-தேவைக்கு.

செய்முறை:

நெய்/வெண்ணெய்யுடன் மைதாவை பிசையவும்.
இது ரவை மாதிரி வரும் போது உப்பு, சீரகம்/கருப்பு சீரகம், மிளகு சேர்த்து நன்கு பிசையவும்.
சேர்த்து சிறிது தண்ணீர் விட்டு சப்பாத்தி மாவு பதத்தில் பிசைந்து 20 நிமிடம் மூடி வைக்கவும்.
பின் மாவை மெல்லிய சப்பாத்தியாக இட்டு விருப்பமான வடிவத்தில் அல்லது டைமண்ட் வடிவத்தில் கட் செய்து வைத்துக் கொள்ளவும்.
வாணலி இல் எண்ணெய் வைத்து , அது சூடானதும், வெட்டி வைத்த சிப்ஸ்களை போட்டு பொன்னிறமாக பொரித்து எடுக்கவும்.
ஆறியதும் கலகலவென்று சத்தம் வரும்.
அதனால் சிலர் இதை 'கல கலா' என்றும் சொல்வார்கள் புன்னகை

குறிப்பு: மிளகு காரம் பிடிக்காதவர்கள் மிளகாய் பொடி போட்டு பிசையலாம்.
அல்லது, பொறித்து எடுத்த பிறகு சிப்ஸ் இன் மேல் போட்டு குலுக்கலாம்.

**krishnaamma** · **krishnaamma** Wed Jun 24, 2015 1:30 am

பயத்தம் பருப்பு தயிர் வடை

தேவையானவை :

பயத்தம் பருப்பு - 1 கப்,
புளிப்பில்லாத தயிர் - 2 கப்,
கேரட் துருவல் - 1 டீஸ்பூன்,
தித்திப்பு சட்னி,
பச்சை சட்னி யாவும் தேவைக்கு,
உப்பு, எண்ணெய் - பொரிப்பதற்கு
பச்சை மிளகாய் - 2,
சீரகம் - 1 டீஸ்பூன்.

செய்முறை:

பயத்தம் பருப்பை,களைந்து, ½ மணி நேரம் ஊற வைத்து, பச்சை மிளகாய் சேர்த்து, கரகரப்பாக, மட்டாக தண்ணீர்விட்டு அரைக்கவும்.
பின் சீரகம், உப்பு சேர்த்து கலந்து எண்ணெயை காய வைத்து சிறு சிறு பக்கோடா மாதிரி கிள்ளிப் போட்டு பொரித்து எடுத்து தனியாக வைக்கவும்.
1 கப் தயிருடன், கொஞ்சம் தண்ணீர் சேர்த்து, தேவையான உப்பும் சேர்த்து கலந்து பொரித்து வைத்திருக்கும் வடையின் மீது ஊற்றி சிறிது ஊற விடவும்.
பரிமாறும்போது மீண்டும் மீதி உள்ள தயிரில் ஒரு சிட்டிகை உப்பு கலந்து வடைகளின் மேல் விடவும்.
அதன் மேல் தித்திப்பு + புளிப்பு சட்னி, பச்சை சட்னி ஊற்றி துருவிய கேரட் தூவி அலங்கரித்து தரலாம்.
அல்லது fridge இல் வைத்தும் தரலாம், அருமையாக இருக்கும்.

குறிப்பு:
பச்சை சட்னி - கொத்தமல்லி, பச்சை மிளகாய், உப்பு, எலுமிச்சை, இஞ்சி சேர்த்து அரைக்கவும். தித்திப்பு + புளிப்பு சட்னிக்கு - புளி விழுது, பேரீச்சை வெல்லம் சேர்த்து கொதிக்க விடவும்.

Sponsored content · Sponsored content

மாலைநேர சிற்றுண்டிகள் ! - மங்களூர் போண்டா !

மாலைநேர சிற்றுண்டிகள் ! - மங்களூர் போண்டா !

Re: மாலைநேர சிற்றுண்டிகள் ! - மங்களூர் போண்டா !

சேமியா பகோடா

Re: மாலைநேர சிற்றுண்டிகள் ! - மங்களூர் போண்டா !

Re: மாலைநேர சிற்றுண்டிகள் ! - மங்களூர் போண்டா !

உளுந்து வடை

Re: மாலைநேர சிற்றுண்டிகள் ! - மங்களூர் போண்டா !

Re: மாலைநேர சிற்றுண்டிகள் ! - மங்களூர் போண்டா !

சக்கர் பாரா - ஸ்வீட் மைதா சிப்ஸ்

நமக் பாரா - மைதா கார சிப்ஸ்

பயத்தம் பருப்பு தயிர் வடை

Re: மாலைநேர சிற்றுண்டிகள் ! - மங்களூர் போண்டா !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக