இடைத்தேர்தல்களில் காங்கிரஸ் தோல்வி: லாலு – பஸ்வான் கூட்டணி 'ஸ்கோர்'

நிலாசகி · நிலாசகி Sat Sep 19, 2009 8:24 pm

பீகார்
மற்றும் டில்லி ஆகிய மாநிலங்களில் நடைபெற்ற இடைத் தேர்தல்களில், காங்கிரஸ்
பலத்த அடி வாங்கியுள் ளது. லோக்சபா தேர்தலில் தோல்வி கண்ட, லாலு -பஸ் வான்
கூட்டணி, கணிசமான இடங்களில் பீகாரில் வெற்றி பெற்று திருப்பத்தை
ஏற்படுத்தியுள்ளது.லோக்சபா தேர்தலின் போது, எதிர்பாராத வகையில் காங்கிரஸ்
பெருவாரியான வெற்றிகளை பெற்று, மத்தியில் ஆட்சியை மீண்டும் பிடித்தது.

ஆனால்,
தற்போது நடைபெற்று முடிந்துள்ள சட்டசபை இடைத்தேர்தல்களில், அதிர்ச்சி
தோல்வியை சந்தித்துள்ளன. பீகாரில் மொத்தம் 18 தொகுதிகளில், லாலு-பஸ்வான்
கூட் டணி ஒன்பது இடங்களிலும், ஐக்கிய ஜனதாதளம்-பாஜ., கூட்டணி ஐந்து
இடங்களிலும், காங்கிரஸ் இரண்டு இடங்களிலும், பகுஜன் சமாஜ் கட்சி மற்றும்
சுயேச்சை ஆகியவை தலா ஒரு இடத்திலும் வெற்றிபெற்றுள்ளன.

பீகாரில்
உயர்வகுப்பு மக்கள் 20 சதவீதம் பேர் உள்ளனர். இவர்கள், கடந்த முறை லாலு
ஆட்சிக்கு வந்துவிடக்கூடாது என்பதற்காக, நிதிசுக்கு ஓட்டளித்தனர். சாலை
வசதிகளைத் தவிர, பீகாரில் பெரிய அளவில் வளர்ச்சி எதுவும் இல்லை என்று
இவர்கள் கருதுகின்றனர்.சட்டம் ஒழுங்கும் மேம்படவில்லை என்று நினைக்கும்
இவர்கள், மிகவும் பிற் படுத்தப்பட்ட வகுப்பினருக்கு, 20 சதவீதம்
இடஒதுக்கீட்டை நிதிஷ்குமார் அளித்ததை ரசிக்கவில்லை. அதனாலேய, இம் முறை
இவ்வாறு ஓட்டளித்துள்ளனர்.

முஸ்லிம்கள்
எப்போதுமே லாலு பிரசாத்துக்கு ஆதரவாக ஓட்டளிப்பவர்கள். இவர்கள் 18 சதவீதம்
பேர் உள்ளனர். இவர்கள் பெரும்பான்மையாக வசிக்கும் நவ்தன் என்ற தொகுதியில்
பகுஜன் சமாஜ் கட்சிக்கும், சென்னாரி மற்றும் சிம்ரிபத்ரியாபூர் ஆகிய
தொகுதிகளில் காங்கிரசுக்கும் ஓட்டளித்துள்ளனர். மற்ற இடங்களில் லாலு -
பஸ்வான் கூட்டணிக்கு ஆதரவு காட்டியுள்ளனர்.

கடந்த
லோக்சபா தேர்தலில், கடைசி நேரத்தில் லாலுவும், பஸ்வானும் கூட்டணி அமைத்தது
போன்ற தவறை, இம்முறை செய்யாமல் ஒருங்கிணைத்து திட்டமிட்டு வெற்றியை
ஈட்டியுள்ளனர்.டில்லியில் ஓக்லா மற்றும் துவாரகா ஆகிய இரு தொகுதிகளையும்
காங்கிரஸ் பறிகொடுத்துவிட்டது. துவாரகா தொகுதியை பா.ஜ., வென்றுள்ளது.

முஸ்லிம்கள்
அதிகம் வசிக்கும் ஓக்லா தொகுதியில் லாலு கட்சி வெற்றி பெற்றுள்ளது.
ஓக்லாவில் 50 சதவீதம் பேர் முஸ்லிம்கள். தவிர பீகார், உ.பி.,யில் இருந்து
வந்து குடியேறியவர்களும் அதிகம் என்பதால் இந்த வெற்றி கிடைத்துள்ளது. தவிர
விலைவாசி உயர்வு, மின்சார தடை ஆகியவையும் ஆளும் காங்கிரசுக்கு டில்லியில்
பாதிப்பை ஏற்படுத்திவிட்டது.

ராகுலால்
காங்கிரஸ் எழுச்சி பெறுகிறது என்ற வாதமும் அடிபட்டுள்ளது. காரணம், சில
வாரங்களுக்கு முன் நடைபெற்ற உ.பி., மாநில இடைத்தேர்தல்கள் அத்தனையிலும்
தோல்வி கண்டது காங்கிரஸ்.

src:Dinamalar

இடைத்தேர்தல்களில் காங்கிரஸ் தோல்வி: லாலு – பஸ்வான் கூட்டணி 'ஸ்கோர்'

இடைத்தேர்தல்களில் காங்கிரஸ் தோல்வி: லாலு – பஸ்வான் கூட்டணி 'ஸ்கோர்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக