தவறிவிட்டேன் தந்தையே !

**ayyamperumal** · **ayyamperumal** Thu Jul 14, 2011 4:06 pm

தவறிவிட்டேன் தந்தையே

சரளி காட்டின் அரளிச்செடிகள்

சாரலுக்கு காத்திருப்பதை போல

திருத்தப்பட்ட என் தேர்வுத்தாள்கள்-உன்

கையெழுத்துக்காக காத்துகிடந்த போது

நீ கூறிய புத்தி மதிகளை

பத்திரப்படுத்த தவறிவிட்டேன் தந்தையே !

பையில் பணமிருந்தும்

பசி ஆறாத இரவு பயணங்களில்

நீ காட்டிய பாசத்தை

நேசிக்க தவறிவிட்டேன் தந்தையே !

காற்றுள்ள போதே தூற்றி கொள்ளாத என்

ஆற்றாமயை எண்ணும்போது

இனம் புரியாத இதத்தின் ஈரம்

கண்களின் ஓரமாய் வழிந்து

உன் நினைவுகளை ஆழிக்கிறது !

பாலாஜி · பாலாஜி Thu Jul 14, 2011 4:09 pm

மிக சிறப்பான கவிதை நண்பரே , வாழ்த்துக்கள் மகிழ்ச்சி

இந்த பதிவைத் துவங்கியவர் நன்றி கூறியுள்ளார் பாலாஜி

miruthula · miruthula Thu Jul 14, 2011 4:11 pm

கவிதை அருமை நண்பா

**ஜாஹீதாபானு** · **ஜாஹீதாபானு** Thu Jul 14, 2011 4:13 pm

அருமையா இருக்கு கவிதை அது என்ன சரளிக்காடு அப்படி ஒண்ணு இருக்கா சூப்பருங்க

**உமா** · **உமா** Thu Jul 14, 2011 4:30 pm

தெளிவான வரிகள்...
சூப்பருங்க

SK · SK Thu Jul 14, 2011 5:20 pm

**ayyamperumal** · **ayyamperumal** Mon Jul 18, 2011 2:30 pm

ஜாஹீதாபானு wrote:அருமையா இருக்கு கவிதை அது என்ன சரளிக்காடு அப்படி ஒண்ணு இருக்கா

சகோதரி ஜாகீதாபானு அவர்களுக்கு வணக்கம்,

செம்மண், கரிசல் மண், வண்டல்மண், மணல், இவைகள் எதுவும் இன்றி குறுங்கற்கள், சிறு கற்கள் இவைகளுடன் கல்லில் இருந்து பொடியான துகள்கள், மிகச்சிறிய அளவிலான செம்மண் கலந்த நிலப்பகுதி.

இங்கு கற்றாலை, சீமைக்கருவேலம் மரங்கள், அரளிப்பூ இவைகள் மட்டுமே விளையும்.

''நடக்கும் போது சரக் சரக் என சத்தம் கேட்கும் அதனாலேயே சரளி காடு என அழைப்பதாக நான் கருதுகிறேன்''