டைரக்டர் சசீந்திரன் இயக்கத்தில், சீயான் விக்ரம் நடிக்கும் ராஜபாட்டை” படம் வேகமாக வளர்ந்து வருகிறது. இந்த படத்தில் விக்ரம் 7 வித்தியாசமான தோற்றத்தில் நடிக்கிறார். வெண்ணிலா கபடிக்குழு, நான் மகான் அல்ல, அழகர்சாமியின் குதிரை படங்களுக்குப்பின் சுசீந்திரன் இயக்கும் 4வது படம் இது. இந்த படத்தில், விக்ரம் “அனல் முருகன்” என்ற ஜிம்பாய் கதாபாத்திரத்தில் நடிக்கிறார். படத்தில் இவர் 7 விதமான தோற்றங்களில் வருகிறார். இவருக்கு ஜோடியாக ஆந்திர அழகி தீக்ஷா சேத் நடிக்கிறார்.

தம்பி ராமையா, மயில்சாமி ஆகியோருடன் கே.விஸ்வநாத், “சிறுத்தை” புகழ் அவினாஷ், “நான் மகான் அல்ல” வில்லன் அருள்தாஸ், “கஜினி” வில்லன் பிரதீப்ரவாத் முக்கிய வேடங்களில் நடிக்கிறார்கள். பிரசாத் வி பொட்லாரி தயாரிக்கிறார். இது, நகரம் சார்ந்த கதை. நில மோசடி, நில அபகரிப்பு குற்றங்களுக்கு பின்னால் மறைந்திருக்கும் மாபியா கும்பலை மையமாக வைத்து திரைக்கதை அமைக்கப்பட்டு இருக்கிறது.

இதுவரை சென்னை, புதுச்சேரி, ஐதராபாத், திருவண்ணாமலை ஆகிய இடங்களில், 95 நாட்கள் படப்பிடிப்பு நடந்துள்ளது. ஒரு பாடல் காட்சிக்காக ஜப்பான் செல்ல இருக்கிறது படக்குழு. படத்தை டிசம்பர் மாதம் படத்தை ரீலிஸ் செய்யும் திட்டத்துடன் விறுவிறுப்பாக சூட்டிங்கை நடத்தி வருகிறார்கள் ராஜபாட்டை குழுவினர்.
தமிழ் சினிமா

விக்ரம் படங்கள் எப்போதுமே வித்யாசமாக தான் இருக்கும்,,அவர் இப்போது வில்லனாக நடிக்கவும் ஆசை படிகிறாராமே...