யாரறிவார் இவள் மனதை?

**ஜாஹீதாபானு** · **ஜாஹீதாபானு** Sat 8 Oct 2011 - 19:15

வரம் ஒன்று தந்தான்
இறைவன் இலவசமாக
அழுகையும் கண்ணீரையும்

கனவுகள் பிரதிபலிக்க வேண்டிய
காலத்தில் - வாழ்க்கையெனும் பயணமே
கனவாகியது எனக்கு....

வேதனை என்ற சொல்லுக்கு
வரை விலக்கணம் தனைக் கூறியது
கன்னங்களின் ஓரம்
காய்ந்துபோன கண்ணீர்த்துளி..

எனைவிட்டு புன்னகையும் பொன்னகையும்
தொலை தூரம் தொலைந்து போனதால்
பொன்னகையில் பார்ப்பதை விட
புன்னகையில் பார்ப்பது என்னை
பகல் நேர பௌர்ணமிகளாய்
தோன்றியது சிலருக்கு ....

எனை நோக்கி அனுதாபம்
அடைந்த சில நட்புகளை
மறக்கவில்லை இன்னும் என் மனம் - ஆனால்
காயம் கண்ட இதயமதை மீண்டும்
காயப்படுத்திய உறவுகளை இன்னும்
ஏற்கவில்லை என் மனம் ஏனோ?

காலங்களும் கரைந்து சென்றது
காட்சிகளும் மாறியது
கனவுகள் போல
கண்கள் கண்ட கனவுகளும்
கலைந்து சென்றது
கார்மேகம் போல...

மனதில் எழுந்த கேள்விகளுக்கு
விடை தேடுகின்றேன்
நான் நாளும்..

மனித மனங்களும் மரித்து விட்டது
இறைவனோ மௌனம் காக்கின்றான்
கண்ணீரைப் பரிசாக தந்து விட்டு....

பேதை இவள் பேதலிக்கின்றாள்
வரும் கால வாழ்வை எண்ணி
யாரறிவார் இவள் மனதை....?
|

**பிளேடு பக்கிரி** · 01/03/2010

இன்று பலரது வாழ்க்கையும் இப்படி தான் ஓடி கொண்டிருக்கிறது.. சோகம்

**இளமாறன்** · **இளமாறன்** Sat 8 Oct 2011 - 19:37

நல்ல கவிதை பகிர்ந்தமைக்கு நன்றி

எழுதியவர் பெயரும் படித்த இடமும் குறித்தால் இன்னும் நலமாய் இருக்கும் மகிழ்ச்சி

**ஜாஹீதாபானு** · **ஜாஹீதாபானு** Mon 10 Oct 2011 - 16:40

இளமாறன் wrote:நல்ல கவிதை பகிர்ந்தமைக்கு நன்றி

எழுதியவர் பெயரும் படித்த இடமும் குறித்தால் இன்னும் நலமாய் இருக்கும்

நன்றி அந்த கவிதையின் கீழ் பெயர் இல்லை சோகம்

**Manik** · **Manik** Mon 10 Oct 2011 - 16:44

இவள் மனதை யாரும் அறிய முடியாது பாட்டி அவள் அறியாவிடில் அவளை விட சிறந்தோர் யாரும் அறியமுடியாது

பெண் மனசு ஆழம்னு கடவுளே சொல்லிருக்கார் தெரியுமா

kitcha · kitcha Mon 10 Oct 2011 - 16:44

எனை நோக்கி அனுதாபம்
அடைந்த சில நட்புகளை
மறக்கவில்லை இன்னும் என் மனம் - ஆனால்
காயம் கண்ட இதயமதை மீண்டும்
காயப்படுத்திய உறவுகளை இன்னும்
ஏற்கவில்லை என் மனம் ஏனோ?
காலங்களும் கரைந்து சென்றது
காட்சிகளும் மாறியது
கனவுகள் போல
கண்கள் கண்ட கனவுகளும்
கலைந்து சென்றது
கார்மேகம் போல...

மனதில் எழுந்த கேள்விகளுக்கு
விடை தேடுகின்றேன்
நான் நாளும்

மனத்தைக் தொட்ட வரிகள். சோகம்

பாட்டியின் தேர்வு சூப்பர் மகிழ்ச்சி

**கா.ந.கல்யாணசுந்தரம்** · 28/02/2009

வேதனை என்ற சொல்லுக்கு
வரை விலக்கணம் தனைக் கூறியது
கன்னங்களின் ஓரம்
காய்ந்துபோன கண்ணீர்த்துளி..

அடடா....அற்புதமான வரிகள். கன்னங்களில் காய்ந்துபோகும் கண்ணீர்த்துளிகள் போடும் கோலம் ..... அதை வரைவிலக்கணமாக தாங்கள் சொன்னது அருமை. நல்ல நவீனம் மிளிர்கிறது. வாழ்த்துக்கள்
ஜாகீதா பானு அவர்களே.

அப்துல்லாஹ் · அப்துல்லாஹ் Mon 10 Oct 2011 - 17:03

அருமையான கவிதை அழ வைத்து விட்டது...

காலங்களும் கரைந்து சென்றது
காட்சிகளும் மாறியது
கனவுகள் போல
கண்கள் கண்ட கனவுகளும்
கலைந்து சென்றது
கார்மேகம் போல...

மனதில் எழுந்த கேள்விகளுக்கு
விடை தேடுகின்றேன்
நான் நாளும்

அந்த விடை தானம்மா பிரபஞ்சத்தில் நாம் கொண்டாடிக் கொண்டாடி வாழும் மொத்த வலி நிறைந்த வாழ்க்கையும்...

**உமா** · **உமா** Mon 10 Oct 2011 - 17:07

னித மனங்களும் மரித்து விட்டது
இறைவனோ மௌனம் காக்கின்றான்
கண்ணீரைப் பரிசாக தந்து விட்டு....

பேதை இவள் பேதலிக்கின்றாள்
வரும் கால வாழ்வை எண்ணி
யாரறிவார் இவள் மனதை....?

என்ன பானு,,,இந்த கவிதை ரசித்த கவிதையாக இருந்தாலும்
இந்த வரிகள் என்னை யோசிக்க வைக்கிறது,
இந்த வரிகள் என் மனதில் எழும் கேள்வியே.

இருந்தும் ஓடிக்கொண்டு இருக்கிறது நம் கால சக்கரம்.
விடை தெரியா இந்த கேள்விகளுக்கு விடை சொல்ல யாருமில்லை.

நல்ல ரசனை உனக்கு பானு.
நல்ல கவிதை.
நன்றி .

முஹைதீன் · முஹைதீன் Mon 10 Oct 2011 - 17:14

கனவுகள் பிரதிபலிக்க வேண்டிய
காலத்தில் - வாழ்க்கையெனும் பயணமே
கனவாகியது எனக்கு....

இது உலகில் பலரிடத்தில் இருக்கக்கூடிய நிகழ்வு

Sponsored content · Sponsored content

யாரறிவார் இவள் மனதை?

யாரறிவார் இவள் மனதை?

Re: யாரறிவார் இவள் மனதை?

Re: யாரறிவார் இவள் மனதை?

Re: யாரறிவார் இவள் மனதை?

Re: யாரறிவார் இவள் மனதை?

Re: யாரறிவார் இவள் மனதை?

Re: யாரறிவார் இவள் மனதை?

Re: யாரறிவார் இவள் மனதை?

Re: யாரறிவார் இவள் மனதை?

Re: யாரறிவார் இவள் மனதை?

Re: யாரறிவார் இவள் மனதை?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக