பூத் ஏஜன்டுக்கு விழுந்த கத்திக்குத்தால் ஓட்டுப்பதிவு 6 மணி நேரம் நிறுத்தம்

**இளமாறன்** · **இளமாறன்** Fri Oct 21, 2011 12:17 am

முதுகுளத்தூர் : ராமநாதபுரம் மாவட்டம் கடலாடி அருகே சிறுகுடியில், பூத் ஏஜன்ட்டை கத்தியால் குத்தியவர் கைது செய்யப்பட்டார். பூத் ஏஜன்ட் இல்லாததால், ஆறு மணி நேரத்திற்கும் மேலாக ஓட்டுப்பதிவு நிறுத்தப்பட்டது. கடலாடி அருகே ஏ.புனவாசல் ஊராட்சி தலைவருக்கான ஓட்டுப்பதிவு, சிறுகுடி ஊராட்சி ஒன்றிய தொடக்கப்பள்ளியில், நேற்று காலை 7 மணிக்கு துவங்கியது. நான்கு ஓட்டுகள் மட்டுமே பதிவான நிலையில், அப்பகுதியை சேர்ந்த செல்லம், 60, ஓட்டுப்போட வந்தார். அவருக்கு கண்பார்வை குறைபாடால், மகன் முத்துச்சாமி ஓட்டு போட்டார்.

இதை, தி.மு.க., மாவட்ட ஊராட்சி வார்டு வேட்பாளரின் பூத் ஏஜன்ட் ரத்தினவேல் பாண்டியன் தட்டிக்கேட்டார். இதற்கு, ஊராட்சி தலைவர் வேட்பாளர் லட்சுமியின், பூத் ஏஜன்ட் வேலு, 30, எதிர்ப்பு தெரிவித்தார். இதையடுத்து, இரு தரப்பினரும் ஓட்டுச்சாவடிக்கு வெளியே வந்து மோதிக் கொண்டனர். இதில், ரத்தினவேல் பாண்டியன் கத்தியால் குத்தியதால் காயமடைந்த வேலு, கடலாடி அரசு மருத்துவமனையில் அனுமதிக்கபட்டார். ரத்தினவேல் பாண்டியனை கடலாடி போலீசார் கைது செய்தனர். பதட்டமான நிலையில், ஓட்டுப்பதிவு நிறுத்தப்பட்டது.

கலெக்டர் அருண்ராய், காளிராஜ் மகேஷ்குமார் எஸ்.பி., ஸ்டீபன் பால்தாமஸ் டி.எஸ்.பி., மக்களிடம் பேச்சுவார்த்தை நடத்தினர். அவர்கள் ஓட்டுப்போட சம்மதம் தெரிவித்தாலும், பூத் ஏஜன்ட் இல்லாமல், ஓட்டுபோட அனுமதிக்கக் கூடாது என, ஏ.புனவாசல் அ.தி.மு.க.,வினர் எதிர்ப்பு தெரிவித்தனர்.

தொடர்ந்து பேச்சுவார்த்தை நடத்திய நிலையில், காலை 11 மணிக்கு இருக்கின்ற மீதி பூத் ஏஜன்ட்கள் முன்னிலையில், மீண்டும் ஓட்டுப்பதிவு துவங்கியது. தங்களது பூத் ஏஜன்ட் இன்றி ஓட்டுப்பதிவு நடத்த ஏ.புனவாசல் அ.தி.மு.க.,வினர் எதிர்ப்பு தெரிவித்ததால், 11 ஓட்டுகள் பதிவான நிலையில், 11.15 மணிக்கு ஓட்டுப்பதிவு மீண்டும் நிறுத்தப்பட்டது.

இதனால் வாக்காளர்கள், ஓட்டுச்சாவடிக்கு எதிரே காத்துக்கிடந்தனர். ஏ.புனவாசல் கிராமத்தினருடன், போலீசார் பல கட்ட பேச்சுவார்த்தை நடத்தியும் அவர்கள் ஓட்டுப்பதிவு நடத்த சம்மதிக்கவில்லை. இதனால் , ஆறு மணி நேரம் ஓட்டுப்பதிவு நடக்கவில்லை. மதியம் 2.15 மணிக்கு சிறுகுடி வி.ஏ.ஓ., தலைமையில் பலத்த போலீஸ் பாதுகாப்புடன், மீண்டும் ஓட்டுப்பதிவு நடந்தது. வாக்காளர்கள் பத்து, பத்து பேராக அழைத்து வரப்பட்டு ஓட்டுப்போட்டனர்

தினமலர்

பூத் ஏஜன்டுக்கு விழுந்த கத்திக்குத்தால் ஓட்டுப்பதிவு 6 மணி நேரம் நிறுத்தம்

பூத் ஏஜன்டுக்கு விழுந்த கத்திக்குத்தால் ஓட்டுப்பதிவு 6 மணி நேரம் நிறுத்தம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக