பசும்பொன்னில் குருபூஜை துவக்கம்

**சிவா** · **சிவா** Sun 30 Oct 2011 - 14:49

ராமநாதபுரம்: ராமநாதபுரம் மாவட்டம் பசும்பொன்னில் தேவர் குருபூஜை இன்று காலை துவங்கியது. அவரது நினைவிடத்தில் இன்று அரசியல் கட்சி தலைவர்கள் பலர் அஞ்சலி செலுத்துகின்றனர். அமைச்சர்கள் ஓ.பன்னீர்செல்வம், நத்தம் விஸ்வநாதன், கே.பி.,முனுசாமி, செல்லூர் ராஜூ, செந்தூர் பாண்டியன், கோகுல இந்திரா , உதயகுமார், மூவேந்தர் முன்னேற்ற கழக தலைவர் ஸ்ரீதர்வாண்டையார், மூவேந்தர் முன்னணி கழக தலைவர் சேதுராமன், மலர்மாலை அணிவித்து அஞ்சலி செலுத்தினார். பல்வேறு அமைப்புகள் சார்பிலும் அஞ்சலி செலுத்தப்படுகிறது. பொதுமக்களும் பெருமளவில் இந்நிகழ்ச்சியில் கலந்து கொண்டனர். மாலை நடக்கும் அரசு விழாவில் அமைச்சர் பன்னீர்செல்வம் உள்பட பலர் பங்கேற்கின்றனர். மதுரையில் உள்ள தேவர் சிலைக்கு அமைச்சர்‌ செல்லூர் ராஜூ மற்றும் தி.மு.க., பொருளாளர் மு.க.,ஸ்டாலின் மலர்மாலை அணிவித்தனர்.

**சிவா** · **சிவா** Sun 30 Oct 2011 - 14:50

தேவர் சிலைக்கு ஜெ., மரியாதை

தேவர் ‌ஜெயந்தி‌யை முன்னிட்டு சென்னை நந்தனம் சிக்னலில் உள்ள தேவர் சிலைக்கு முதல்வர் ஜெ., மலரஞ்சலி செலுத்தினார். அவருடன் அமைச்சர்கள் மற்றும் அ.தி.மு.க., நிர்வாகிகள் பலர் பங்கேற்றனர்.