ஐ.சி.சி., ரேங்கிங்: இந்தியாவுக்கு "நம்பர்-2' வாய்ப்பு!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

ஐ.சி.சி., ரேங்கிங்: இந்தியாவுக்கு "நம்பர்-2' வாய்ப்பு!

#670445

செபஸ்டின் லீலாஆனந்தம்
பண்பாளர்: பதிவுகள் : 141
இணைந்தது : 24/10/2011

Post செபஸ்டின் லீலாஆனந்தம் Wed Nov 09, 2011 1:03 pm

துபாய்: ஐ.சி.சி., டெஸ்ட் அணிகளுக்கான ரேங்கிங் பட்டியலில் இந்திய அணி "நம்பர்-2' இடத்துக்கு முன்னேறும் வாய்ப்பு ஏற்பட்டுள்ளது.
டெஸ்ட் அரங்கில் சிறந்து விளங்கும் அணிகளுக்கான ரேங்கிங் (தரவரிசை) பட்டியலை, சர்வதேச கிரிக்கெட் கவுன்சில் (ஐ.சி.சி.,) வெளியிடும். இப்பட்டியலில் முதல் ஐந்து இடங்களில் இங்கிலாந்து (125 புள்ளி), தென் ஆப்ரிக்கா (118 புள்ளி), இந்தியா (117 புள்ளி), ஆஸ்திரேலியா (104 புள்ளி), இலங்கை (99 புள்ளி) ஆகிய அணிகள் உள்ளன.
இதில் இந்திய அணி, இரண்டாவது இடத்துக்கு முன்னேறும் வாய்ப்பு ஏற்பட்டுள்ளது. இதற்கு முதற்கட்டமாக வெஸ்ட் இண்டீசுக்கு எதிரான டெஸ்ட் தொடரை 3-0 எனக் கைப்பற்ற வேண்டும். அதேவேளையில், ஆஸ்திரேலியாவுக்கு எதிரான டெஸ்ட் தொடரை தென் ஆப்ரிக்க அணி 0-2 என இழக்க வேண்டும். இதன்மூலம் இந்திய அணி 119 புள்ளிகளுடன் இரண்டாவது இடத்துக்கு முன்னேறிவிடும். தென் ஆப்ரிக்கா, ஆஸ்திரேலியா அணிகள் தலா 110 புள்ளிகள் பெறும். இதில் சில தசம புள்ளிகள் வித்தியாசத்தில் தென் ஆப்ரிக்கா மூன்றாவது இடம் பிடிக்கும். ஆஸ்திரேலிய அணி, நான்காவது இடத்தில் நீடிக்கும்.
ஒருவேளை இந்திய அணி, 2-0 என தொடரை கைப்பற்றினால், 118 புள்ளிகள் பெறும். இந்திய அணி 1-0 அல்லது 2-1 என தொடரை வெல்லும் பட்சத்தில் அதே இடத்தில் நீடிக்கும். ஆஸ்திரேலிய-தென் ஆப்ரிக்க டெஸ்ட் தொடரின் முடிவைப் பொறுத்து இந்திய அணியின் இடம் முடிவு செய்யப்படும்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1