பாதியாக குறையும் சிங்கப்பூர் அரசியல்வாதிகளின் சம்பளம்

**இளமாறன்** · **இளமாறன்** Sat Jan 07, 2012 4:21 pm

சிங்கப்பூர்: சிங்கப்பூர் அரசியல்வாதிகளின் சம்பளத்தை பாதியாக்க குறைக்க அந்நாட்டு அரசு முடிவு செய்துள்ளது.

உலகிலேயே அதிக சம்பளம் வாங்குபவர்கள் சிங்கப்பூர் அரசியல்வாதிகள் தான். இந்நிலையில் அவர்களின் சம்பளத்தை பாதியாகக் குறைக்க அந்நாட்டு பிரதமர் லீ சீன் உத்தரவிட்டார்.

இதையடுத்து சம்பளத்தை எவ்வளவு குறைக்கலாம் என்று ஆய்வு செய்ய ஒரு குழு அமைக்ககப்பட்டது. அந்த குழு பிரதமரின் சம்பளத்தில் 336 சதவீதம், அதிபருக்கு 51 சதவீதம், அமைச்சர்களுக்கு 37 சதவீதம் வரை குறைக்கலாம் என்று பரிந்துரைத்து தனது அறிக்கையை கடந்த மாதம் 30ம் தேதி பிரதமரிடம் அளித்தது. இதையடுத்து வரும் 16ம் தேதி அந்நாட்டு நாடாளுமன்றத்தில் இது குறித்து விவாதித்து முடிவு செய்யப்படும்.

சிங்கப்பூர் பிரதமர் லீ ஆண்டுக்கு 23 லட்சம் டாலர் சம்பளம் வாங்குகிறார். அமெரிக்க அதிபர் பாரக் ஒபாமாவே வெறும் 4 லட்சம் தான் வாங்குகிறார். லீயின் சம்பளம் குறைக்கப்பட்டாலும் அவர் 17 லட்ம் டாலர் வாங்குவார் என்பது குறிப்பிடத்தக்கது.

உலகப் பொருளாதார நெருக்கடி மற்றும் அந்நாட்டில் ஏழை, பணக்கார மக்களிடையே ஏற்பட்ட வித்தியாசம் தான் இந்த திடீர் சம்பள குறைப்புக்கு காரணம்.

தட்ஸ் தமிழ்

உதயசுதா · உதயசுதா Sat Jan 07, 2012 5:27 pm

இவங்களாவது பரவாயில்லை, வெளிப்படையா இவ்வளவு சம்பளம் கொடுக்கிறோம், அதை குறைக்கிறோம் என்று சொல்றாங்க.
நம்ம நாட்டுல மக்கள் சேவகனுக்கு குறைவான சம்பளம் என்று சொல்லி கொண்டு சைடுளா வாங்கி கருப்பு பணமா சேர்த்துகிட்டு இருக்கானுகா

**இளமாறன்** · **இளமாறன்** Sat Jan 07, 2012 5:38 pm

உதயசுதா wrote:இவங்களாவது பரவாயில்லை, வெளிப்படையா இவ்வளவு சம்பளம் கொடுக்கிறோம், அதை குறைக்கிறோம் என்று சொல்றாங்க.
நம்ம நாட்டுல மக்கள் சேவகனுக்கு குறைவான சம்பளம் என்று சொல்லி கொண்டு சைடுளா வாங்கி கருப்பு பணமா சேர்த்துகிட்டு இருக்கானுகா

பொதுவான கருப்பு பணம் கணக்கிடப்பட்டு அதை அரசாங்கமே சம்பளமாக கொடுத்துவிட்டால் இவர்கள் லஞ்சம் வாங்க மாட்டார்களா சோகம்

செல்ல கணேஷ் · செல்ல கணேஷ் Sat Jan 07, 2012 8:33 pm

தோழமைகளுக்கு,
இந்தியாவில் எம்‌எல்‌ஏ மற்றும் எம்‌பி களுக்கான சம்பளம் போதும் என்ற போதும். இன்னும் அரசு வழங்கும் வீடுகளுக்கு வாடகை தராமல் கடனோடு இருக்கும் எம்‌பி இக்களும் இருக்கிறார்கள். (சலுகை விலையில் வழங்கிய போதும்) உதாரணம் போதும் என்றே நினைக்கிறேன்.

சார்லஸ் mc · சார்லஸ் mc Sun Jan 08, 2012 12:51 am

பொதுவாக வெளிநாட்டினா் எதையும் சற்று வித்தியாசமாகவே தான் நடந்து கொள்கின்றனா். நல்ல விஷயங்களை நம்மவா்கள் கற்றுக் கொள்வது நாட்டிற்கு நல்லது. செய்வாா்களா?!ம்ம்....