ஸ்டேட் பாங்கில் 2500 பணி வாய்ப்பு

ஸ்டேட் பாங்கில் எஸ்.சி., எஸ்.டி., ஓ.பி.சி., பிரிவினருக்கான 2500 கிளரிகல் காலியிடங்கள் அறிவிக்கப்பட்டுள்ளன. இதற்கு பொதுப் பிரிவினர் விண்ணப்பிக்க முடியாது. மாநில வாரியாக இந்த காலியிடங்கள் அறிவிக்கப்பட்டுள்ளன.
ஒருவர் ஒரு மாநில காலியிடத்திற்கு மட்டுமே விண்ணப்பிக்க முடியும்.
காலியிட விபரம்:
எஸ்.சி., பிரிவினருக்கான காலியிடங்கள் 1150
எஸ்.டி., பிரிவினருக்கு 750
ஓ.பி.சி., பிரிவினருக்கு 600
இது தவிர வடகிழக்கு மாநிலங்களில் உள்ள ஸ்டேட் பாங்கின் காலியிடங்கள் கூடுதலாக 600 அறிவிக்கப்பட்டுள்ளன.
தகுதிகள்:
பட்டப்படிப்பு அல்லது பிளஸ்2 தகுதி பெற்றிருக்க வேண்டும். பிளஸ்2 முடித்திருப்பவர் குறைந்தது 60 சதவீதத்துடன் அதில் தகுதி பெற்றிருக்க வேண்டும். எஸ்.சி., எஸ்.டி., பிரிவினர் 55 சதவீதம் பெற்றிருந்தால் போதும். 10ம் வகுப்பிற்குப் பின் டிப்ளமோ தகுதி பெற்றிருப்பவரும் விண்ணப்பிக்கலாம். எந்த மாநில காலியிடத்திற்கு விண்ணப்பிக்க விரும்புகிறீர்களோ அந்த மாநில மொழியில் பேச எழுத தெரிந்திருப்பது கூடுதல் தகுதியாகக் கருதப்படும்.
வயது தகுதி:
1.12.2011 அன்று 18 முதல் 28 வயதுக்குள் இருக்க வேண்டும். எஸ்.சி., எஸ்.டி., பிரிவினர் 33 வயது வரை இருக்கலாம். ஓ.பி.சி., பிரிவினர் 31 வயது வரை இருக்கலாம்.
தேர்வு முறை:
எழுத்துத் தேர்வு மற்றும் நேர்முகத் தேர்வு மூலமாக தேர்வு செய்யப்படுவீர்கள். பொது அறிவு, பொது ஆங்கிலம், கணிதம், ரீசனிங் மற்றும் மார்க்கெட்டிங்/கம்ப்யூட்டர் ஆப்டிடியூட் ஆகிய பகுதிகளில் அப்ஜக்டிவ் தேர்வு நடத்தப்படும். தவறான பதில்களுக்கு நெகடிவ் மதிப்பெண் முறையில் மதிப்பெண் கழிக்கப்படும். எழுத்துத் தேர்வானது 18.3.2012 அன்று நடத்தப்படும்.
விண்ணப்பிக்கும் முறை:
இதற்கு ஆன்லைனில் மட்டுமே விண்ணப்பிக்க முடியும். தற்போது பயன்பாட்டில் உள்ள இமெயில் முகவரியை பெற்றிருப்பது அவசியம். போட்டோ மற்றும் கையெழுத்தை ஸ்கேன் செய்து தயாராக வைத்துக் கொண்டு விண்ணப்பிக்க வேண்டும். இது குறித்த முழு விபரங்களையும் இணையதளத்தில் பார்த்துக் கொள்ளவும்.
ஆன்லைனில் விண்ணப்பிக்கக் கடைசி நாள் ஜனவரி 20, 2012.
விபரங்களறிய உதவும்:
இணைய தள தொடர்பு முகவரி:
www.sbi.co.in/webfiles/uploads/files/1324991067870_SBI_CLERK_RECRUITMENT_DETAILED_ADVT.pdf
இணைய தள முகவரி:
www.statebankofindia.com
www.sbi.co.இன்

வேலை வாய்ப்பு மலர்