வழக்கு தொடுக்கிறேன்

by **ரா.ரா3275** on Thu Jan 12, 2012 12:34 pm

First topic message reminder :

[b]வழக்கு தொடுக்கிறேன்
இறைவா உன்மேல்
வழக்கு தொடுக்கிறேன்

வானவில்-பூக்கள்
மரங்கள்-மழைமேகம்
குழந்தைகள்-பெண்கள்
இப்படி
வடிவையும் வண்ணங்களையும்
வாரி இறைத்துவிட்டு
எங்களுக்கு
இரண்டு கண்கள்-ஒரு இருதயம்
என்று
கொஞ்சமாய்ப் படைத்த
உன் கஞ்சத் தனத்தின் மீது
வழக்கு தொடுக்கிறேன்-இறைவா
வழக்கு தொடுக்கிறேன்

எந்த வக்கீலை வைத்து
நீ வழக்காடினாலும்
எழுதப்பட்டுவிட்டது தீர்ப்பு
அது
என்றுமே உனக்கு எதிரானதுதான்

எல்லோரும் சமம்-
எல்லாம் சமம்
இறைவன் படைப்பில்...

அப்புறம் எப்படி?
ஆண்-பெண் பேதம்
அனாதைக் காப்பகம்
முதியோர் இல்லம்

தானாய் வந்ததா?
தரவிறக்கம் செய்தவன் யார்?

ஏழை-பணக்காரன்
இன்றும் அழியாத தீண்டாமை

லஞ்சம் மறக்காத போலீஸ்
லட்சியம் தொலைத்த அரசியல்

சம்போகத்தில் திளைக்கும் சாமியார்கள்
சத்தியம் துறந்த சமூக அமைப்புகள்

இப்படி எல்லாம் நடக்கக்
காரணம் யார்?
எவன் எவனோ காரணமென்றால்...

இறைவனே நீ யார்?
இருக்கிறாயா?இல்லையா?
இப்போதே தெரியவேண்டும் எங்களுக்கு

எனவே
வழக்கு தொடுக்கிறேன்
இறைவா-உன்மேல்
வழக்கு தொடுக்கிறேன்

by **ரா.ரா3275** on Thu Jan 12, 2012 3:13 pm

நன்றி கேசவன் அவர்களே...

by **ரா.ரா3275** on Thu Jan 12, 2012 3:14 pm

நன்றி விஸ்வாஜீ அவர்களே...

by **ரா.ரா3275** on Thu Jan 12, 2012 3:15 pm

கண்டிப்பாக....நல்ல எண்ணங்களே நம்மை வழிநடத்தும்...
கருத்துக்கு நன்றி...

by **ரா.ரா3275** on Thu Jan 12, 2012 4:11 pm

எந்த வழக்காக இருந்தாலும் தீர்ப்பென்று ஒன்று வந்தே தீரும்....

ஈகரை தமிழ் களஞ்சியம்

வழக்கு தொடுக்கிறேன்

வழக்கு தொடுக்கிறேன்

Re: வழக்கு தொடுக்கிறேன்

Re: வழக்கு தொடுக்கிறேன்

Re: வழக்கு தொடுக்கிறேன்

Re: வழக்கு தொடுக்கிறேன்