டிரைவர்களுக்கு மிளகாய்

**ஜாஹீதாபானு** · **ஜாஹீதாபானு** Wed 18 Jan 2012 - 17:31

பஸ், காரில் போகும் போது தூங்கினால் களைப்பின்றி எளிதாக போய்ச் சேரலாம். அதுவே டிரைவர்கள் தூங்கினால்...மொத்தமாக போய்ச் சேர வேண்டியது தான். சீனாவில் சில காலமாக இதே நிலை தான். பஸ், கார் டிரைவர்களில் பெரும்பாலானோர் வீடுகளில் தூங்குவதை விட வண்டி ஓட்டும்போது அதிகளவில் தூங்குவதால், விபத்துகள் அதிகரிப்பதைப் பார்த்து டென்ஷனான போலீசார் சூப்பர் முடிவை எடுத்துள்ளனர்.

அந்நாட்டின் தேசிய நெடுஞ்சாலைகளில் உள்ள சோதனை மையங்கள் அனைத்திலும் மூட்டை மூட்டையாக மிளகு மற்றும் மிளகாய் இறக்கப்பட்டுள்ளது. இரவு நேரங்கள் மற்றும் அதிகாலையில் வண்டி ஓட்டும் டிரைவர்களை மடக்கும் போலீசார், "எழ்துக்கு என்ன்னைப் புடிழ்ச்சிங்க" என தூக்க கலக்கத்தில் உளறும் டிரைவர்களின் வாயில் மிளகாய் அல்லது மிளகை திணித்து விடுகின்றனர்.

மிளகாய்/மிளகை கடிக்கும் டிரைவர்களுக்கு தூக்கம் வராது..சுறுசுறுப்புடன் வண்டி ஓட்டுவார்கள் என்பது போலீசாரின் நம்பிக்கை. அவர்களின் நம்பிக்கை வீண் போகவில்லை. இப்போதெல்லாம் தூக்க கலக்கம் இருந்தாலும், சோதனைச் சாவடிகளை நெருங்கும் போது டிரைவர்களுக்கு உடம்பில் தானாகவே சுறுசுறுப்பு பிறந்து விடுகிறது. எல்லாம் மிளகாய் மகிமை!

நம்மூரில் இதே முறை கொண்டுவரப்பட்டால்... மிளகாய் கொடுக்கும் போலீசாரிடம், "மிளகாய் மட்டும் கொடுத்தா எப்படி... பழைய சோறும் சேர்த்து கொடுத்தா சாப்பிட்டு போய்ருவோம்ல" என்று டிரைவர்கள் கலாய்த்தால் ஆச்சரியப்படுவதற்கில்லை.

நன்றி தமிழ்