First topic message reminder :

கூரைக் கண்ணீரால்
குழிகளைக் கொப்பளிக்கும்
மண்வாசல் தாழ்வாரம்

வெண்ணிறப் பூக்களையும்
கோந்துப் பிசினையும்
சேர்ந்து சிந்தும்
முன்வாசல் முருங்கைமரம்

மார்கழியின் குளிர் காலைகளை
மேனி மீது இதமாய் அப்பும்
முன்புறத் திண்ணைகள்

தண்ணீர் இறைத்துத்
தலையோடு குளித்து மகிழ
வாளிக்கயிற்றோடு வாழும்
கிணற்று உருளை

இரவுக்காட்சியைப் பார்க்க ஏதுவாய்
திருட்டுத்தனமாய்ப்
படுக்கையைச் சுருட்டிவைக்கும்
கட்டைச் சுவர்

பங்கிடாமல் தின்பதற்காகப்
பப்பாளியாயைப்
பதுக்கிவைக்கும் வைக்கோல்போர்

கன்றுக் குட்டிகள் வாலாட்டித்
துள்ளியோடும்
மாட்டுத் தொழுவம்

கனகாம்பரமும்
மல்லிகையுமாகப்
புதர்மண்டிக் கிடக்கும்
தோட்டத்துச் செடிகள்

சிரிப்போடும் வெட்கத்தோடும்
அழகுப் பெண்களை
அழைத்துவரும்
மருதாணிச் செடிகள்

இதில்
எதுவுமே இல்லை இப்போது

வாசல் மண்ணைப்
புதைத்துவிட்ட
சிமெண்ட் தரை

தட்டாமலே பூக்கள்
கொட்டி
மனம் வழிந்த
தோட்டச் செடிகளுக்குப் பதிலாகத்
தொட்டிப் பூச்செடிகள்

தொட்டதற்கெல்லாம் சுவிட்சுகள்
எல்லாம்
எலக்ட்ரிகல் மற்றும் எலெக்ட்ரானிக்ஸ் மயம்

ப்ச்...
காலர் உயர்த்திக் காட்டும்
மாடர்ன் வீட்டில் என்ன
"......" இருக்கு?...
போங்கப்பா...

கால மாற்றம் சில வேளைகளில் நம்மைக் கவிழ்த்துப் போட்டுவிடுக்கின்றன என்பதும் உண்மைதானே அசுரன் அவர்களே?...

நா படிச்சிட்டு இருக்கும் போதே, என்ன நடைமுறைளா இருந்து வழக்கொழிஞ்ச
விஷயமா இருக்கே நு பாத்துட்டே வந்தேன், இறுதி வரிகளில் கணிப்பு உண்மையாகி விட்டது.............

மிகவும் அருமை ரா ரா

'வழக்கொழிந்த' என்று முற்றிலுமாகச் சொல்ல முடியாது...இன்னும் கிராமங்களில் இந்த சூழல் இருக்கிறது...அதை அழித்தொழிக்கும் காரியமும் நடக்கிறது...அந்தக் கோபம்தான்...

நன்றி பிஜி...

RaRa3275 wrote:'வழக்கொழிந்த' என்று முற்றிலுமாகச் சொல்ல முடியாது...இன்னும் கிராமங்களில் இந்த சூழல் இருக்கிறது...அதை அழித்தொழிக்கும் காரியமும் நடக்கிறது...அந்தக் கோபம்தான்...

நன்றி பிஜி...

நான் அந்த பப்பாளி என்பதை வைத்து கூறினேன் ரா ரா, எனா நானும் கிராமத்துல தான் இருக்கேன், இங்க பப்பாளி தோட்டம் இருக்கு, ஆனா, பப்பாளி விற்பனைக்கு வரது இல்லை, எல்லாம், பால் எடுப்பதற்காக போடப் படுகின்றன. மக்களுக்கு வெறும் சக்கை தான் போயி சேர்க்கிறது.

உண்மைதான் பிஜி...சத்துக்குப் பதிலாக சக்கைதான் போய்ச் சேருகிறது மக்களை...

RaRa3275 wrote:உண்மைதான் பிஜி...சத்துக்குப் பதிலாக சக்கைதான் போய்ச் சேருகிறது மக்களை...

ஆம், ரா ரா நன்றிகள்