கடைசி என்பது புரிந்து கொள்ள முடியாத ஒன்று.

சிகரட்டின் கடைசி இழுப்பு பெண்ணின் முதல் முத்தம் என்று ஒரு மேதாவி சொல்லியிருக்கிறான்.

இன்னும் ஒரு கரண்டிதான் சாம்பார் இருக்கிறது என்கிற போது ‘இன்னொரு தரம் சாம்பார் சாதம் சாப்பிடறேன்’ என்பார்கள்.

மாசக் கடைசியில் பர்சில் பத்து ரூபாய் மட்டுமே இருக்கும் போது கீதா கேபில் பஜ்ஜி சாப்பிட ஆசை வரும்.

கடைசி ஆளாக நாம் நிற்கிற போது நமக்கு முன் ஆளோடு டிக்கெட் தீர்ந்து விடும்.

கடைசி குழந்தை என்று நினைத்து (அந்தக் காலத்தில்) தாத்தா பெயர் வைத்தால் அதற்கப்புறம் ரெண்டு குழந்தை பிறக்கும்!

கடைசி அழைப்பு என்று சொல்லி ஏற்போர்ட்டுகளில் இருபத்தாறு தரம் அழைப்பார்கள். (ஸ்போர்ட்ஸ் தினத்திலும் அப்படித்தான். லாஸ்ட் கால் பார் ரிலே ரேஸ் பார்டிசிபன்ட்ஸ்…..)

குடிகாரர்கள் இதுதான் கடைசி நாள் என்று சொல்லி தினமும் குடிப்பார்கள் .

கடைசி இப்படி என்றால் முதல் எப்படி

இப்பதான் முதன் முதல்ல பாக்கறேன் என்று சொன்ன பல விஷயங்களை அப்புறம் நாம் பார்ப்பதே இல்லை.

இந்தியத் தொலைக் காட்சிகளில் முதல் முறையாக என்று சொன்ன படங்கள் அதற்கப்புறம் பல்லாயிரம் தடவை ஒளிபரப்பாகும் .

முதன் முதல்லே என்னைப் பார்த்தப்போ என்ன நினைச்சே என்கிற கேள்வியை கணவனோ மனைவியோ கடைசி வரை கேட்டு சாகடித்து விடுவார்கள்.

முதல்லையே சொல்லணும்ன்னு நினைச்சேன் என்று சொல்கிறவர்கள் எத்தனை வாய்ப்பு கிடைத்தாலும் சொல்ல மாட்டார்கள். கடைசி வரை நினைப்பதோடு சரி .

முதலும் கடைசிய வெச்சு ஒரு முழுப் பக்கம்
சிரிக்கற மாதிரி எழுதியது முதல் முறையா பாக்கறேன் பாலா.
இதுவே கடைசி முறையா இருந்தா அது முறையாகாது புரிஞ்சதா.

அப்பப்பா..........ஒரே களேபரம் தான் போங்க. ஆனால்

கொலவெறி wrote:முதலும் கடைசிய வெச்சு ஒரு முழுப் பக்கம்
சிரிக்கற மாதிரி எழுதியது முதல் முறையா பாக்கறேன் பாலா.
இதுவே கடைசி முறையா இருந்தா அது முறையாகாது புரிஞ்சதா.

என்ன பன்றது தலைவா முன்ன மாதிரி உப்மா கிண்டமுடியரதில்லைங்க

@sinthiyarasu wrote:அப்பப்பா..........ஒரே களேபரம் தான் போங்க. ஆனால்

அப்பப்பா களேபரம் பண்ணினால் அம்மம்மா கிட்ட சொல்லுங்க உரிச்சு எடுத்திடுவாங்க

கடைசியா நீ என்ன தான் சொல்ல வரே பாலா ??

@ராஜா wrote:கடைசியா நீ என்ன தான் சொல்ல வரே பாலா ??

முதலில் இந்த மாதிரி கேக்கரத நிறுத்துங்கோ சொல்லி புட்டேன் கடைசியா.
அது தெரிஞ்சா இத எழுதி இருப்பாரா அவரு முதலில்?

நானும் உங்க கிட்ட கடைசி வரைக்கும் சொல்லனும் நினைக்கிறேன் முடியல விக்கி கொண்டே இருக்கு..!

கொலவெறி wrote:

@ராஜா wrote:கடைசியா நீ என்ன தான் சொல்ல வரே பாலா ??

முதலில் இந்த மாதிரி கேக்கரத நிறுத்துங்கோ சொல்லி புட்டேன் கடைசியா.
அது தெரிஞ்சா இத எழுதி இருப்பாரா அவரு முதலில்?

அதானே அதத்தான் நான் முதலேர்ந்தே சொல்லவந்தேன் ஆனா கடைசிவரைக்கும் சொல்லவிடலயே

@அருண் wrote:நானும் உங்க கிட்ட கடைசி வரைக்கும் சொல்லனும் நினைக்கிறேன் முடியல விக்கி கொண்டே இருக்கு..!

இதை மொதலையே சொல்லவேண்டாமா அருண் இப்படி கடைசியில சொன்னா எப்படி பாரு இப்போ திரும்பவும் மோதலேர்ந்து ஆரம்பிக்கணும்

///முதன் முதல்லே என்னைப் பார்த்தப்போ என்ன நினைச்சே என்கிற கேள்வியை கணவனோ மனைவியோ கடைசி வரை கேட்டு சாகடித்து விடுவார்கள்.///

எப்படி பாஸ், இப்படி அப்பட்டமா உண்மையைக் கூறும் துணிவு உங்களுக்கு வந்தது? ரொம்பத்தான் தைரியம் உங்களுக்கு!

நல்ல சிந்தனை, நகைச்சுவையுடன்!

நல்ல நகைச்சுவை.

நல்ல நகைச்சுவை.

@மகா பிரபு wrote:நல்ல நகைச்சுவை.

தம்பிக்கு கடைசியா முத்திபொசுநூ நினைக்கிறேன் இல்ல முதலிருந்தே இப்படித்தானா ஒருவேல சாயங்காலம் ஆறு மணிக்கு மேல இப்படித்தானா பிரபு

@balakarthik wrote:

@மகா பிரபு wrote:நல்ல நகைச்சுவை.

தம்பிக்கு கடைசியா முத்திபொசுநூ நினைக்கிறேன் இல்ல முதலிருந்தே இப்படித்தானா ஒருவேல சாயங்காலம் ஆறு மணிக்கு மேல இப்படித்தானா பிரபு

கடசியா என்ன சொல்றிங்க பா. கார்த்தி.

கடைசியும் முதலும் அருமை
குறிப்பா

முதன் முதல்லே என்னைப் பார்த்தப்போ என்ன நினைச்சே என்கிற கேள்வியை கணவனோ மனைவியோ கடைசி வரை கேட்டு சாகடித்து விடுவார்கள்

சூப்பர்

முதல்ல தலைப்பை பார்த்தே நான் யிருக்கணும் ....கடைசிவரையும் படிச்சதுக்கு எனக்கு நல்லா வேணும் !

Spoiler:

ஆனா ..நல்லாயிருந்தது

குழப்பவாதி போல் பேசினாலும் தெளிந்த நீரோடையின் பளீர் தெளிவு
உங்கள் எழுத்திலும் பதிவிலும்...
சூப்பர் பதிவு...நன்றி பாலாகார்த்திக் அவர்களே...