4 நாள்கள் தொடர் விடுமுறை: சிறப்பு ரயில்களை இயக்குகிறது ரயில்வே

**பிரசன்னா** · **பிரசன்னா** Tue Apr 03, 2012 5:31 pm

சென்னை, ஏப்.3: மத்திய, மாநில அரசு ஊழியர்களுக்கு 4 நாட்கள் தொடர் விடுமுறை வருவதால் திருநெல்வேலி, நாகர்கோவில் உள்ளிட்ட இடங்களுக்கு சிறப்பு ரயில்களை இயக்க ரயில்வே நடவடிக்கை எடுத்துள்ளது.

5-ம் தேதி மஹாவீரர் பிறந்தநாளும், 6-ம் தேதி புனிதவெள்ளியும், 7,8 தேதிகளில் வழக்கமான சனி, ஞாயிறு விடுமுறையும் வருகிறது.

மேலும் ஞாயிற்றுக்கிழமை ஈஸ்டர் பண்டிகையும் வருகிறது. இதனால் கூட்டநெரிசலைத் தவிர்க்க 2 சிறப்பு ரயில்களை ரயில்வே அறிவித்துள்ளது.

சென்னை சென்ட்ரல்- நாகர்கோவிலுக்கு ஈரோடு, கரூர் வழியாக 14 ஏ.சி. பெட்டிகளுடன் கர்பிராத் சிறப்பு ரெயில் இயக்கப்படுகிறது.

இந்த சிறப்பு ரெயில் (06019) நாளை இரவு 11.30 மணிக்கு சென்ட்ரலில் இருந்து புறப்பட்டு மறுநாள் மதியம் 2 மணிக்கு நாகர்கோவில் சென்று அடைகிறது. பின்னர் 5-ந்தேதி இரவு 7.40 மணிக்கு நாகர்கோவிலில் இருந்து புறப்பட்டு மறுநாள் காலை 10.20 மணிக்கு சென்னை சென்ட்ரல் வந்து சேருகிறது.

இதேபோல் சென்னை சென்ட்ரலில் இருந்து திருநெல்வேலிக்கு வாராந்திர சூப்பர் பாஸ்ட் சிறப்பு ரெயில் (06021) விடப்படுகிறது. இந்த ரெயில் சென்ட்ரலில் இருந்து 5-ந்தேதி மற்றும் 12-ந்தேதி இரவு 10.30 மணிக்கு புறப்பட்டு திருநெல்வேலிக்கு மறுநாள் மதியம் 12.15 மணிக்கு சென்று அடைகிறது. எண் (06022) சிறப்பு ரெயில் 6-ந்தேதி மற்றும் 13-ந்தேதி மதியம் 3.10 மணிக்கு புறப்பட்டு மறுநாள் அதிகாலை 3.45 மணிக்கு சென்ட்ரல் வந்து சேரும் என ரயில்வே வெளியிட்ட செய்தியில் தெரிவிக்கப்பட்டுள்ளது.

தினமணி