அஜீத் வைத்த விருந்தில் ஆடிப் போயிருக்கும் படக்குழு

by **பிரசன்னா** on Sat Apr 14, 2012 5:16 pm

First topic message reminder :

ஏற்கனவே தான் நடித்த படத்தின் குழுவினருக்கு தானே சமைத்து விருந்து வைத்து அசத்தினார் அஜீத். இப்போது மீண்டும் ஒரு விருந்து வைத்து படக்குழுவினருக்கு ஆனந்த அதிர்ச்சியை அளித்துள்ளார் அஜீத்.

பில்லா 2 படக்குழுவினருக்குத்தான் கிடைத்தது அந்த ஆனந்த அதிர்ச்சி.

கோழிக்கறி, மீன் வறுவல் என்று தன் கையாலேயே சமைத்து அனைவருக்கும் பரிமாறி விருந்து வைத்ததோடு மட்டுமல்லாமல், விருந்து நிகழ்ச்சிக்குப் பயன்படுத்திய அனைத்து சாமான்களையும், எந்த வேலைக்காரர்களையும் அனுமதிக்காமல் தான் ஒருவரே நின்று கழுவி சுத்தப்படுத்தியுள்ளார் அஜீத்.

விருந்து முடிந்து வீட்டுக்குக் கிளம்பிப் போன படக்குழுவினருக்கு மறுநாள்தான் இந்த விஷயம் தெரிந்தது. விஷயத்தைக் கேள்விப்பட்டதும் ஆடிப்போய்விட்டனராம் படக்குழுவினர்.

இது குறித்து இயக்குநர் ஆர்.டி. ராஜேசேகர் கூறுகையில், அஜீத்தின் இந்த செயலைப் பார்த்து நாங்கள் ஆடிப்போய்விட்டோம். அவரது எளிமையும், கருணை உள்ளமும் எங்களை மிகவும் கவர்ந்துவிட்டது. படப்பிடிப்பிற்கு வந்ததும், ஒவ்வொருவருக்கும் சென்று வணக்கம் கூறிவிட்டுத்தான் தனது இடத்திற்கே செல்வார் என்று குறிப்பிட்டுள்ளார்.

தலன்னா சும்மாத்தானா!

தினமணி

by ந.கார்த்தி on Tue Apr 17, 2012 11:50 am

அஜித் நன்றாக சமைப்பவர் என்று ஏற்கனவே எல்லோருக்கும் தெரிந்த விஷயம். முன்னர் ஒருமுறை மங்காத்தா பட சூட்டிங் எல்லாம் முடிந்தவுடன் படக்குழுவினரை அழைத்து, தன் கையால் பிரியாணி எல்லாம் சமைத்து போட்டு அசத்தினார். அதேபோல் இப்போதும் ஒரு விருந்து கொடுத்து இன்ப அதிர்ச்சி கொடுத்திருக்கிறார் அஜித். பில்லா-2 படத்தின் சூட்டிங் எல்லாம் முடிந்தவுடன் எப்பவும் போல் படக்குழுவினரை அழைத்து கோழிக்கறி, மீன் வறுவல் என்று தன் கையாலேயே சமைத்து அனைவருக்கும் பரிமாறி விருந்து வைத்திருக்கிறார். அதோடு மட்டுமில்லாமல் விருந்துக்கு பயன்படுத்திய பாத்திரங்கள் எல்லாவற்றையும் எந்த ஒரு வேலைக்காரர்களையும் அனுமதிக்காமல், தான் ஒருவரே நின்று கழுவி சுத்தப்படுத்தி இருக்கிறார். இந்த விஷயம் இரண்டு நாள் கழித்து தான் விருந்துக்கு வந்தவர்களுக்கு தெரியுமாம். இதை கேட்ட பலரும் அசந்து போய் இன்ப அதிர்ச்சிக்கு உள்ளாகிவிட்டார்களாம்.

இதுகுறித்து ஒளிப்பதிவாளர் ராஜசேகர் கூறுகையில், அஜித் விருந்து வைத்து, அதை அவரே கழுவி வைத்த செயல் எங்களை ஆச்சர்யப்பட வைத்துவிட்டது. அவரது எளிமை எங்களை ரொம்பவே கவர்ந்துவிட்டது. சூட்டிங் ஸ்பாட்டில் கூட ஒவ்வொருத்தருக்கும் வணக்கம் சொல்லிவிட்டு தான் தன்னுடைய இடத்திற்கே போவார் என்று கூறியுள்ளார்.

நன்றி 123தமிழ் சினிமா

ஈகரை தமிழ் களஞ்சியம்

அஜீத் வைத்த விருந்தில் ஆடிப் போயிருக்கும் படக்குழு

அஜீத் வைத்த விருந்தில் ஆடிப் போயிருக்கும் படக்குழு

விருந்து அளித்து வந்திருந்தவர்களை அதிர்ச்சிக்குள்ளாக்கிய அஜித்…!