இன்று (29/04/2012) பாவேந்தர் பாரதிதாசன் பிறந்த நாள்

தமிழுக்கு அமுதென்று பேர்! - காசி ஆனந்தன் கவிதை

தமிழுக்கு அமுதென்று பேர்!
அடடா!

இந்த ஒரு வாசகம்-
இணையற்ற பெருவாசகம்; இது-
இங்குள தமிழர்க்கெல்லாம்
இன்னுமொரு திருவாசகம்!

இந்தத்-
திருவாசகத்தை அருளிய
தீந்தமிழ்க் கவிஞன்...

பெருமாளைப் பாடிய-
நாயன்மாரில் ஒருவனல்ல;
பெரியாரைப் பாடிய-
நேயன்மாரில் ஒருவன்!

யாத்த கவிதைகள்
யாவையும்...

மாணிக்கம்
மாணிக்கமாய் யாத்ததால்-இவன்
மற்றொரு
மாணிக்க வசகனே!

ஆனால் ஒன்று;
இவனால்...
பரி நரியாகவில்லை;
நரி பரியாகவில்லை;

இவனால்...
வரி எரியாகியது;
எரி வரியாகியது; -அவ்
வரியில்-
எரியில்-
கண்மூடித் தனமெல்லாம்
காய்ந்து கரியாகியது!

இவன்
இருந்தமிழர் இருள் ஈக்கப்-

புதுவையில் உதித்த
புது வெயில்; இவன்-
நோவப் பிறந்தவரல்ல தமிழரென்று
கூவப் பிறந்த பூங்குயில்!

கொட்டோ கொட்டென்று
கொட்டினான் கவிப்பறை; அதில்
கந்தலோ கந்தலென்று
கிழிந்தது கீழவர் செவிப்பறை!

புரட்சிக் கவிஞன் என்று-
புகழ் பூத்து நின்ற பாரதிதாசன்...

புதிய தமிழ் நடையில்- பாக்கள்
புனைந்து தருவதில்-தனது
குருவை மிஞ்ச வேண்டுமென்று- அகத்தில்
குவித்து வைத்தான் ஆசையை;

ஆனால்
அதே நேரம்-
குருவை மிஞ்சக் கூடாதென்று- முகத்தில்
குறைத்து வைத்தான் மீசையை!

இத்தகு-
தகவார்ந்த கவிஞன் தான் அன்று- இசைத்தான்
‘ தமிழுக்கு அமுதென்று பேர்!’ என்று;

ஆம்;
அமுதும் தமிழும் ஒன்றுதான்!

அவ் அமுதம்-
பாற்கடல் தந்தது;

இவ் அமுதம்-
நூற்கடல் தந்தது;

அவ் அமுதம்-
வானவர் தானவர் கடைந்தது;

இவ் அமுதம்-
பாவலர் நாவலர் கடைந்தது;

கண்ணுதல் பெருமான்-தன்
தொண்டை கொண்டு;
இந்த நஞ்சை அடக்கினான்

கவிஞர் பெருமான் -தன்
தொண்டைக் கொண்டு!

பாவேந்தரை நினைவில் கொண்டு அவரை மறக்காது இன்னும் நாம் இருப்பதே அதிசயம் தான்.

நினைவில் கொண்டு வந்தமைக்கு நன்றி சாமி.

மிகவும் நன்றி சாமி அவர்களே....பா இருக்கும் வரை பாவேந்தர் புகழ் இருக்கும்

நினைவு படுத்தியமைக்கு நன்றி சாமி,
அவரது குடும்ப விளக்கில்,

பொதுதொண்டு செய்தோமா என்ற கனல் வரிகள் தான் நினைக்கு வருகிறது.

அப்படியா! அறியாத படியால் சொன்னேன், அந்தமிழர் படிப்படியாய் முன்னேற்
றத்தை எப்படியா யினும்பெற்று விட்டால் மக்கள் இப்படியே கீழ்ப்படியில்
இரார்க ளன்றோ? மெய்ப்படிநம் மறிஞரின் சொற்படிந டந்தால், மேற்படியார்
செப்படி வித்தை பறக்கும். முற்படில் ஆகாததுண்டா? எப்ப டிக்கும்
முதற்படியாய்த் தமிழ்படிக்க வேண்டும் என்றாள். - பாரதி தாசன்

Dr.சுந்தரராஜ் தயாளன் wrote:மிகவும் நன்றி சாமி அவர்களே....பா இருக்கும் வரை பாவேந்தர் புகழ் இருக்கும்

பதிவிற்கு நன்றி அன்பரே..
காழ்சிந்தையும் மறச்செயல்களும் மிகட்டும் எந்நாளும்..

பிறந்த நாள் வாழ்த்துக்கள்..

சாமி wrote:
தமிழுக்கு அமுதென்று பேர்!
அடடா!
இந்த ஒரு வாசகம்-
இணையற்ற பெருவாசகம்; இது-
இங்குள தமிழர்க்கெல்லாம்
இன்னுமொரு திருவாசகம்!

பாவேந்தரின் பிறந்த நாளை,
காசி ஆனந்தன் ஐயா அவர்களின் கவிதை மூலம் வாழ்த்து தெரிவித்தது அருமை.

மிகவும் நன்றி சாமி அவர்களே....பா இருக்கும் வரை பாவேந்தர் புகழ் இருக்கும்

நேற்று அவ்வளவு அரட்டை அடிச்சும் இந்த பதிவு கண்ணுல படலையே ,

ராஜா wrote:

மிகவும் நன்றி சாமி அவர்களே....பா இருக்கும் வரை பாவேந்தர் புகழ் இருக்கும்

நேற்று அவ்வளவு அரட்டை அடிச்சும் இந்த பதிவு கண்ணுல படலையே ,

பா இருக்கும் வரைன்னு அய்யா சொன்னத தப்பா புரிஞ்சிட்டு - பால் பாத்திரத்துக்குள்ள தலைய விட்டு நீங்க மாட்டிக்கிட்டதா சொன்னாங்களே?